സമൂഹ്യ മാധ്യമങ്ങളെ 'കണ്‍ഫ്യൂഷനാക്കി' ഫഹദിന്‍റെ അപരൻ

സമൂഹ്യ മാധ്യമങ്ങളെ 'കണ്‍ഫ്യൂഷനാക്കി' മലയാള യുവ നടന്മാരില്‍ ശ്രദ്ധേയനായ ഫഹദിന്‍റെ അപരൻ. നരച്ച നീളന്‍ താടിയും വിചിത്രമായ തലപ്പാവുമൊക്കയായി രാജാവേഷ പരിവേഷത്തിലുള്ള, ഒറ്റ നോട്ടത്തിൽ ഫഹദിന്‍റേതെന്ന് തോന്നുന്ന ഒരു ചിത്രമാണ് സമൂഹ്യ മാധ്യമങ്ങളെ കണ്‍ഫ്യൂഷനാക്കി കറങ്ങുന്നത്. ഇയോബിന്‍റെ പുസ്തകത്തിന്‍റെ രണ്ടാം ഭാഗത്തിന്‍റെ ഫസ്റ്റ് ലുക്കാണോ എന്ന സംശയം പോലും പലരും ഉന്നയിച്ചു.



എന്നാൽ സംഭവം അതൊന്നുമല്ല. ഈ ചിത്രത്തിലുള്ളത് ഫഹദൊന്നുമല്ല. കക്ഷി ഹാലിറ്റ് എര്‍ജെന്‍സേ എന്ന ഒരു ടര്‍ക്കിഷ് നടനാണ്. ഹാലിറ്റ് അഭിനയിക്കുന്ന സീരിസായ മാഗ്നിഫിസെന്‍റിലെ ലുക്കാണ് ഇപ്പോള്‍ വൈറലായിരിക്കുന്നത്. ചിത്രം കണ്ട് ഞെട്ടിയവരെല്ലാം ഹാലിറ്റിനെ ഗൂഗിളിൽ തിരഞ്ഞാലും വീണ്ടും ഞെട്ടും. കാരണം ഫഹദിന്‍റെ ഒരു ടര്‍ക്കിഷ് പതിപ്പ് തന്നെയാണ് ഹാലിറ്റ്. കക്ഷിക്ക് ഫഹദുമായി അത്രത്തോളം തന്നെ രൂപസാദൃശ്യമുണ്ട്.