ലുങ്കിയുടുത്ത് സിംപിളായി ഫഹദിന്‍റെ ഓണാഘോഷം

ലുങ്കിയും ബനിയനുമണിഞ്ഞ് വളരെ സിംപിളായിട്ടായിരുന്നു ഫഹദ് ഫാസിലിന്‍റെ ഇത്തവണത്തെ ഓണാഘോഷം. താൻ വളരെ സാധാരണക്കാരനാണെന്ന് പലപ്പോഴായി ഫഹദ് പറഞ്ഞിട്ടുണ്ട്. അത് ശരിവെക്കുന്ന തരത്തിൽ വളരെ ലളിതമായിട്ട് തന്നെയായിരുന്നു ഫഹദിന്‍റെ ഇത്തവണത്തെ ഓണം. കാർബൺ എന്ന ചിത്രത്തിന്‍റെ ഷൂട്ടിങ് ലൊക്കേഷനിലായിരുന്നു ഫഹദ് ഇത്തവണ ഓണമാഘോഷിച്ചത്. വളരെ ലളിതമായ വേഷത്തിൽ ഓണ സദ്യ കഴിക്കുന്ന ഫഹദിന്‍റെ വീഡിയോ ആണ് ഇപ്പോൾ സാമൂഹ്യ മാധ്യമങ്ങളിൽ വൈറലാകുന്നത്.

അണിയറ പ്രവർത്തകർക്കൊപ്പമിരുന്നായിരുന്നു ഫഹദ് ഓണമുണ്ടത്. ഇത്തരം വിശേഷ ദിവസങ്ങളിൽ ഫഹദിനൊപ്പം ഭാര്യ നസ്റിയയും എത്താറുണ്ട്. എന്നാൽ ഇത്തവണ തനിച്ചായിരുന്നു ഫഹദിന്‍റെ ഓണം.

വേണുവിന്‍റെ തിരക്കഥയിലും സംവിധാനത്തിലും ഒരുങ്ങുന്ന ചിത്രമാണ് കാർബൺ. മുന്നറിയിപ്പ് എന്ന മമ്മൂട്ടി ചിത്രത്തിന് ശേഷം വേണു സംവിധാനം ചെയ്യുന്ന ചിത്രമാണ് കാർബൺ. സിബി തോട്ടുമ്പുറവും നിവാസ് സേവിയറും ചേർന്ന് നിർമിയ്ക്കുന്ന ചിത്രത്തിൽ ദിലീഷ് പോത്തനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.



Fahadh Faasil's Onam celebration

Malayalam actor Fahadh Faasil's Onam celebration at Carbon location.