വ്യാജരേഖ ചമച്ച് നികുതിവെട്ടിപ്പ്: സുരേഷ്‌ ഗോപിക്കെതിരെ കേസ്

തിരുവനന്തപുരം: വ്യാജ വിലാസത്തിൽ പുതുച്ചേരിയിൽ നിന്ന് വാഹനം റജിസ്റ്റർ ചെയ്തതിന് നടനും എംപിയുമായ സുരേഷ് ഗോപിക്കെതിരെ ജാമ്യമില്ലാ വകുപ്പ് പ്രകാരം കേസെടുത്തു. വാഹന നികുതി വെട്ടിക്കുന്നതിന് സുരേഷ് ഗോപി തയ്യാറാക്കിയ വ്യാജ രേഖകൾ മാധ്യമങ്ങൾ വഴിയാണ് പൊലീസിന് ലഭിച്ചത്.

കേരളത്തിൽ ആദ്യമായാണ് നികുതിവെട്ടിപ്പിന് എംപിക്കെതിരെ കേസെടുക്കുന്നത്. ഐജി ശ്രീജിത്താണ് കേസ് അന്വേഷിക്കുന്നത്. 40 ലക്ഷം രൂപയോളം നികുതി വെട്ടിപ്പിലൂടെ സംസ്ഥാനത്തിന് നഷ്ടമായെന്നാണ് വിലയിരുത്തൽ. എംപി ആയതിന് ശേഷവും മുമ്പുമായി രണ്ട് വാഹനങ്ങളാണ് സുരേഷ് ഗോപി പുതുച്ചേരിയില്‍ റജിസ്‌റ്റര്‍ ചെയ്തത്. പുതുച്ചേരിയിലെ എല്ലൈപിള്ള ചാവടി എന്ന സ്ഥലത്ത് കാര്‍ത്തിക് അപ്പാര്‍ട്ട്‌മെന്‍റ്- 3 സിഎ എന്ന വിലാസത്തിലാണ് സുരേഷ്‌ ഗോപി വാഹനങ്ങള്‍ റജിസ്റ്റര്‍ ചെയ്തത്.