രണ്ട് ഐറ്റം ഡാൻസുകള്. ഒരെണ്ണം ഇറങ്ങും മുമ്പേ താരപ്രഭകൊണ്ട് ശ്രദ്ധേയമായത്. മറ്റൊന്ന് ഇറങ്ങിയശേഷം മാത്രം ആളുകളുടെ ശ്രദ്ധയിൽ പതിഞ്ഞത്. ഏഴിമല പൂഞ്ചോലയും താങ്ക്ണക്കയും സോനാ സോനായും പോലുള്ള തനിനാടൻ ഐറ്റം ഡാൻസുകള് കണ്ട് ശീലിച്ച മലയാള സിനിമയിലും ഏതായാലും ബോളിവുഡ് നിലവാരത്തിലുള്ള ഐറ്റം ഡാൻസുകള് വന്ന് തുടങ്ങിയിരിക്കുകയാണ്. സൂപ്പര് താര ചിത്രങ്ങളായ ലൂസിഫറിലേയും മധുരരാജയിലേയും ഐറ്റം ഡാൻസുകള് തമ്മിലൊന്ന് താരതമ്യം ചെയ്യുകയാണിവിടെ.
സണ്ണിലിയോണിയുടെ വരവോടെയാണ് മധുരരാജയിലെ ഐറ്റം ഡാൻസ് ശ്രദ്ധനേടിയത്. കേരളത്തിലെത്തി മമ്മൂട്ടിക്കൊപ്പം അവര് ഐറ്റംഡാൻസിലിരിക്കുന്ന ഒരു ചിത്രവും ഏറെ വൈറലായി. പക്ഷേ ചിത്രമിറങ്ങിയ ശേഷം ആരും സണ്ണിയുടെ ഐറ്റം ഡാൻസിനെ പറ്റി വാഴ്ത്തുന്നതോ ഇകഴ്ത്തുന്നതോ ആയ പോസ്റ്റുകളൊന്നുമിട്ടുകണ്ടില്ല. സ്ത്രീവിരുദ്ധതയോ മറ്റോ സംസാരിച്ചും കണ്ടില്ല. തൊട്ട് തൊട്ട് മുട്ടി മുട്ടി എന്നുതുടങ്ങുന്ന ഗാനത്തിന് മേനിഇളക്കി സണ്ണി ലിയോണി ചുവടുവെച്ച് തുടങ്ങിയപ്പോഴേ സണ്ണിചേച്ചി സിന്ദാബാദ് വിളിച്ചാണ് തിയറ്റര് വരവേറ്റത്. പക്ഷേ ആ ഓളം തിയറ്ററിൽ തന്നെ അവസാനിച്ചു. സണ്ണിയുടെ ഐറ്റം ഡാൻസിനൊപ്പം കൂടിയ കലാഭവൻ ഷാജോണിന്റെ കഥാപാത്രത്തെ ആ ഒരൊറ്റകാരണത്താൽ ഒരു രാഷ്ട്രീയ പാര്ട്ടിയിൽ നിന്ന് പുറത്താക്കുന്നുമുണ്ട്. സിനിമയുടെ കഥാഗതിയോട് ഇഴുകിചേര്ന്ന ഐറ്റംഡാൻസാണിതെന്നും ഏച്ചുകെട്ടലല്ലെന്നും സിനിമയുടെ അണിയറപ്രവര്ത്തകര് പറഞ്ഞതിതാണ്.
മറിച്ച് അധികമൊന്നും വിവരങ്ങള് പുറത്തുവിടാതിരുന്ന ലൂസിഫറിലെ വലൂച്ച ഡിസൂസയുടെ റഫ്ത്താര എന്ന ഐറ്റം സോങ്ങിന് സിനിമയിറങ്ങിയപ്പോള് മുതൽ വിവാദങ്ങളായിരുന്നു കൂട്ട്. സ്ത്രീവിരുദ്ധത തന്റെ ചിത്രത്തിലുണ്ടാകില്ലെന്ന് ഘോരംഘോരം പ്രസംഗിച്ചയാളാണ് സിനിമയുടെ സംവിധായകനെന്ന് പറഞ്ഞ് ആളുകള് കലിതുള്ളി. വിവാദം ആളിയതോടെ യൂട്യൂബിൽ വന്ന വലൂച്ചയുടെ ഡാൻസ് വൈറലുമായി. ബോളിവുഡ് ചിത്രമായ ഫാനിൽ ഐറ്റം ഡാൻസ് അവതരിപ്പിച്ചപ്പോഴുള്ളതിനേക്കാള് സ്വീകാര്യതയായിരുന്നു വലൂച്ചയ്ക്ക് ലഭിച്ചത്. റഫ്ത്താര ഇറങ്ങും മുമ്പും ഇറങ്ങിയതിന് ശേഷമുള്ള താരത്തിന്റെ സോഷ്യൽമീഡിയ പോസ്റ്റുകളുടെ റീച്ചുകള് മാത്രം മതി അതിന് സാക്ഷ്യം. പാട്ട് പാടിയ ജ്യോത്സനയും വൈറലായി.
ഏതായാലും ചിലപ്പോള് സണ്ണി ലിയോണിയുടെ ഐറ്റം ഡാൻസ് യൂട്യൂബിലിറങ്ങുമ്പോള് ചിലപ്പോള് ഇതിലുമൊരുപാടൊരുപാട് വൈറലാകുമായിരിക്കും. അതിനാൽ തന്നെ സിൽക്കും മുംതാസും ശ്വേതയും അൽഫോൻസയും സുജയും പത്മപ്രിയയും ലക്ഷ്മി പ്രിയയും മൈഥിലിയും ജ്യോതിര്മയിയും രമ്യ നമ്പീശനുമുള്പ്പെടെയുള്ള നിരവധി നടിമാര് ചുവടുവെച്ച മലയാള സിനിമയുടെ ഐറ്റം ഡാൻസ് വിപണി ബോളിവുഡും കടന്ന് ഉയരുകയാണിപ്പോഴെന്നാണ് സാക്ഷാൽ സണ്ണിയും വലൂച്ചയും കായംകുളം കൊച്ചുണ്ണിയിലെ നോറ ഫത്തേഹിയും മലയാളത്തിലെത്തി ഐറ്റം ഡാൻസ് കളിച്ചതിലൂടെ വ്യക്തമാകുന്നത്.
ഏതായാലും ചിലപ്പോള് സണ്ണി ലിയോണിയുടെ ഐറ്റം ഡാൻസ് യൂട്യൂബിലിറങ്ങുമ്പോള് ചിലപ്പോള് ഇതിലുമൊരുപാടൊരുപാട് വൈറലാകുമായിരിക്കും. അതിനാൽ തന്നെ സിൽക്കും മുംതാസും ശ്വേതയും അൽഫോൻസയും സുജയും പത്മപ്രിയയും ലക്ഷ്മി പ്രിയയും മൈഥിലിയും ജ്യോതിര്മയിയും രമ്യ നമ്പീശനുമുള്പ്പെടെയുള്ള നിരവധി നടിമാര് ചുവടുവെച്ച മലയാള സിനിമയുടെ ഐറ്റം ഡാൻസ് വിപണി ബോളിവുഡും കടന്ന് ഉയരുകയാണിപ്പോഴെന്നാണ് സാക്ഷാൽ സണ്ണിയും വലൂച്ചയും കായംകുളം കൊച്ചുണ്ണിയിലെ നോറ ഫത്തേഹിയും മലയാളത്തിലെത്തി ഐറ്റം ഡാൻസ് കളിച്ചതിലൂടെ വ്യക്തമാകുന്നത്.