വടിവേലു ഭാവങ്ങളുമായി ആരാധകന്‍
രശ്മികയുടെ ഏറ്റവും പുതിയ പോസ്റ്റും വെെറലായിരുന്നു. തന്റെ വിവിധ ഭാവങ്ങളുടെ ചിത്രങ്ങളായിരുന്നു താരം പോസ്റ്റ് ചെയ്തത്. ചിത്രങ്ങള്‍ ഉടനെ വെെറലായി. ഇതിനിടെ താരത്തിന്റെ ഭാവങ്ങളെ വടിവേലുവിന്റെ ഭാവങ്ങളുമായി കോര്‍ത്തിണക്കി ഒരു ആരാധകന്‍ എത്തിയിരിക്കുകയാണ്.
രസകരമായ കാഴ്ച
മന്ദാനയുടെ ഫോട്ടോഷൂട്ടില്‍ നിന്നുമുള്ള ചിത്രങ്ങളോട് സാമ്യം തോന്നുന്ന വടിവേലുവിന്റെ ചിത്രങ്ങള്‍ ചേര്‍ത്തു വച്ചാണ് ആരാധകന്‍ കഴിവ് തെളിയിച്ചിരിക്കുന്നത്. രസകരമായ കാഴ്ചയാണ് ഇതിലൂടെ ആരാധകര്‍ക്ക് ലഭിക്കുന്നത്.
കന്നഡയിലൂടെ അരങ്ങേറ്റം
കന്നഡ ചിത്രം കിര്‍ക്ക്പാര്‍ട്ടിയായിരുന്നു രശ്മികുയുടെ ആദ്യ ചിത്രം. രക്ഷിത് ഷെട്ടിയായിരുന്നു ചിത്രത്തിലെ നായകന്‍. പിന്നീട് താരം തെലുങ്കിലേക്ക് ചുവടുമാറ്റുകയായിരുന്നു.
മലയാളികള്‍ക്കും രശ്മിക സുപരിചിത
തെലുങ്കില്‍ ഭീഷ്മയാണ് അവസനമായി അഭിനയിച്ച ചിത്രം. വിജയ് ദേവരക്കൊണ്ട നായകനായ ഗീത ഗോവിന്ദത്തിലൂടെ മലയാളികള്‍ക്കും രശ്മിക സുപരിചിതയാണ്. ഡിയര്‍ കോമ്രേഡിലും രശ്മികയായിരുന്നു നായിക.
തമിഴ് അരങ്ങേറ്റം
ഇപ്പോള്‍ തമിഴില്‍ അരങ്ങേറ്റത്തിന് തയ്യാറെടുക്കുകയാണ് രശ്മിക. കാര്‍ത്തി നായകനാകുന്ന സുല്‍ത്താനിലൂടെയാണ് രശ്മിക തമിഴില്‍ അരങ്ങേറുന്നത്. താരത്തിന്റെ അരങ്ങേറ്റത്തിന് കാത്തിരിക്കുകയാണ് ആരാധകര്‍.