മകളെ പാതി മലരേ...; പ്രാര്‍ഥനയെ ചേര്‍ത്തു പിടിച്ച് ഇന്ദ്രജിത്ത്, മനോഹര നിമിഷമെന്ന് ആരാധകര്‍

ബെെക്ക് റെെഡ് ടു നെവര്‍ലാന്‍ഡ് സൂണ്‍ എന്നെഴുതിയാണ് പ്രാര്‍ഥന ചിത്രങ്ങളെല്ലാം പങ്കുവച്ചിരിക്കുന്നത്. പിന്നാലെ ചിത്രത്തിന് കമന്റുമായി അമ്മ പൂര്‍ണിമയും എത്തിയിട്ടുണ്ട്. ഓ ശരിയെന്നായിരുന്നു പൂര്‍ണിമയുടെ കമന്റ്. രസകരമായ ചിത്രങ്ങള്‍ ആരാധകര്‍ ഏറ്റെടുത്തിരിക്കുകയാണ്.

എത്രമാത്രം ആഴമുള്ളതാണ് അച്ഛനും മകളും തമ്മിലുള്ള സ്നേഹമെന്ന് ചിത്രങ്ങളില്‍ നിന്നും വായിച്ചെടുക്കാമെന്ന് ആരാധകര്‍ പറയുന്നു. ചിത്രത്തിലെ ഇന്ദ്രജിത്തിന്റെ മുഖഭാവങ്ങളും ആരാധകര്‍ക്ക് നന്നേ പിടിച്ചിട്ടുണ്ട്. അവരത് കമന്റുകളിലൂടെ അറിയിക്കുന്നുമുണ്ട്.

ഇന്ദ്രജിത്ത്-പൂര്‍ണി ദമ്പതികളുടെ മൂത്ത മകളാണ് പ്രാര്‍ഥന. താരപുത്രിയും ഇതിനോടകം സിനിമകളുടെ ഭാഗമായി കഴിഞ്ഞിട്ടുണ്ട്. കലാകുടുംബത്തിലെ പുതു തലമുറക്കാരിയായ പ്രാര്‍ഥന നല്ലൊരു ഗായികയാണെന്ന് ചെറുപ്രായത്തിലേ തെളിയിച്ചു കഴിഞ്ഞു. സിനിമയില്‍ പാട്ടുകള്‍ പാടിയിട്ടുണ്ട് പ്രാര്‍ഥന.

അച്ഛനും അമ്മയുമെന്നാല്‍ കുട്ടികളുടെ നല്ല സുഹൃത്തുക്കള്‍ കൂടിയായിരിക്കണമെന്ന് തെളിയിക്കുകയാണ് പൂര്‍ണിമയും ഇന്ദ്രജിത്തും. ഇരുവരും നേരത്തേയും മക്കള്‍ക്കൊപ്പമുള്ള രസകരമായ ചിത്രങ്ങള്‍ ഇതുപോലെ സോഷ്യല്‍ മീഡിയയിലൂടെ പങ്കുവയ്ക്കാറുണ്ട്. അത് ആരാധകര്‍ ആഘോഷമാക്കുന്നതും പതിവാണ്.

കഴിഞ്ഞ ദിവസം ഇളയമകള്‍ നക്ഷത്ര വരച്ച ചിത്രവും ഇന്ദ്രജിത്ത് സോഷ്യല്‍ മീഡിയയിലൂടെ പങ്കുവച്ചിരുന്നു. മനോഹരമായ ചിത്രങ്ങളായിരുന്നു നക്ഷത്ര വരച്ചത്. ഈ വീട്ടിലെ എല്ലാവരും കലാകാരന്മാരും കലാകാരികളുമാണെന്ന് ബോധ്യമായെന്നാണ് സോഷ്യല്‍ മീഡിയ ഇതിനോട് പ്രതികരിച്ചത്.