23ലേക്ക്
ദിലീപുമായുള്ള വിവാഹത്തോടെയായിരുന്നു മഞ്ജു വാര്യര്‍ അഭിനയത്തില്‍ നിന്നും ബ്രേക്കെടുത്തത്. 2000ലായിരുന്നു മീനാക്ഷി ജനിച്ചത്. മകളുടെ വരവോടെ തിരക്കും കൂടുകയായിരുന്നു. താന്‍ ടെന്‍ഷനില്ലാതെ ഓടിനടന്ന് അഭിനയിക്കുന്നതിന് കാരണം മഞ്ജുവാണെന്നും വീട്ടിലെ കാര്യങ്ങളെല്ലാം പെര്‍ഫെക്റ്റായി ചെയ്യുന്നുണ്ടെന്നും അക്കാലത്ത് ദിലീപ് പറഞ്ഞിരുന്നു. കുഞ്ഞുമീനൂട്ടിക്കൊപ്പം വിവിധ മാസികകളുടെ കവര്‍ചിത്രത്തില്‍ ദിലീപും മഞ്ജുവും പ്രത്യക്ഷപ്പെട്ടിരുന്നു. 23ാം പിറന്നാളാഘോഷിക്കുന്ന മീനാക്ഷിക്ക് ആരാധകര്‍ കഴിഞ്ഞ ദിവസം തന്നെ ആശംസകള്‍ അറിയിച്ചിരുന്നു.
അച്ഛനൊപ്പം
മാതാപിതാക്കളുടെ വിവാഹമോചന സമയത്ത് അച്ഛനൊപ്പം പോവാനാണ് താല്‍പര്യമെന്നായിരുന്നു മീനാക്ഷി പറഞ്ഞത്. മകളുടെ തീരുമാനം മഞ്ജുവും അംഗീകരിക്കുകയായിരുന്നു. പിന്നീടിങ്ങോട്ട് അമ്മ മകളെക്കുറിച്ചോ മകള്‍ അമ്മയെക്കുറിച്ചോ സംസാരിച്ചിരുന്നില്ല. രണ്ടാമതൊരു വിവാഹത്തെക്കുറിച്ച് ചോദിച്ചവരോട് ഞാനൊരു അമ്മയാണെന്നായിരുന്നു മഞ്ജുവിന്റെ മറുപടി.
കാവ്യയ്‌ക്കൊപ്പം
അച്ഛനെ രണ്ടാം വിവാഹത്തിനായി നിര്‍ബന്ധിച്ചതും, ആ വിവാഹത്തിന് മുന്നില്‍ നിന്നതും മീനാക്ഷിയായിരുന്നു. കാവ്യ മാധവനൊപ്പമുള്ള ചിത്രങ്ങള്‍ പങ്കുവെച്ചും മീനാക്ഷി എത്തിയിരുന്നു. കുഞ്ഞനിയത്തിയായ മാമാട്ടിയെന്ന മഹാലക്ഷ്മിക്കും ഏറെയിഷ്ടമാണ് ചേച്ചിയെ. അവരുടെ കൂട്ട് കാണുമ്പോള്‍ ഒരുപാട് സന്തോഷമാണെന്ന് ദിലീപ് പറഞ്ഞിരുന്നു.
ഡോക്ടറാവാന്‍
രാമചന്ദ്ര ഇന്‍സ്റ്റിറ്റ്യൂട്ടില്‍ എംബിബിഎസ് വിദ്യാര്‍ത്ഥിനിയാണ് മീനാക്ഷി. പഠിച്ച് നല്ലൊരു ഡോക്ടറായി കാണാന്‍ ആഗ്രഹമുണ്ട്. അച്ഛനെപ്പോലെ സിനിമയില്‍ വരാനായിരുന്നില്ല പേരിനൊപ്പം ഡോക്ടര്‍ ചേര്‍ക്കാനാണ് അവള്‍ ആഗ്രഹിച്ചതെന്നായിരുന്നു ദിലീപ് നേരത്തെ പറഞ്ഞത്. ടിക് ടോക് വീഡിയോയിലൂടെയായി അഭിനയത്തിലും കഴിവുണ്ടെന്നും ഇടയ്ക്ക് മീനാക്ഷി തെളിയിച്ചിരുന്നു.
ഭാഗ്യവും ധൈര്യവും
അച്ഛന്റെ ഭാഗ്യവും ധൈര്യവുമാണ് മീനാക്ഷിയെന്നാണ് ആരാധകര്‍ പറയാറുള്ളത്. പ്രതിസന്ധി ഘട്ടങ്ങളിലെല്ലാം ശക്തമായ പിന്തുണയുമായി മീനാക്ഷി അച്ഛനൊപ്പമുണ്ടായിരുന്നു. അനാവശ്യ ചോദ്യങ്ങള്‍ക്കോ വിമര്‍ശനങ്ങള്‍ക്കോ മറുപടി നല്‍കുന്ന പതിവുമില്ല. അച്ഛനെ വിമര്‍ശിച്ചയാള്‍ക്ക് ഇടയ്ക്ക് ശക്തമായ മറുപടി നല്‍കിയിരുന്നുവെങ്കിലും പെട്ടെന്ന് തന്നെ പോസ്റ്റ് പിന്‍വലിച്ച സംഭവവും ഉണ്ടായിട്ടുണ്ട്.