വിജയ് ആരാധകനെ എടുത്ത് പോസ് കൊടുത്തപ്പോള്‍, ആളുകള്‍ നോക്കിയത് താഴോട്ട്; ചെരുപ്പിന്റെ വില അറിഞ്ഞ് ഞെട്ടി!

സൂപ്പര്‍ താരങ്ങള്‍ ഉപയോഗിക്കുന്ന വിലകൂടിയ ബ്രാന്റഡ് സാധനങ്ങളുടെ ഞെട്ടിക്കുന്ന വില വിവരങ്ങള്‍ ചികഞ്ഞു പോകുന്നത് സ്വാഭാവികമാണ്. മോഹന്‍ലാലിന്റെയും മമ്മൂട്ടിയുടെയും ഒക്കെ കാറിന്റെയും കാരവാന്റെയും മുതല്‍ വാച്ചിന്റെയും ഷര്‍ട്ടിന്റെയും വരെ വില വിവര കണക്കുകള്‍ ആരാധകരുടെ പക്കലുണ്ട്. അങ്ങിനെ ഇപ്പോള്‍ വൈറലാവുന്നത് തമിഴ് ഇളയദളപതി വിജയ് ഉപയോഗിച്ച ഒരു ചെരുപ്പ് ആണ്.

കഴിഞ്ഞ ദിവസം നാല് ജില്ലകളിലുള്ള തന്റെ വിജയ് മക്കള്‍ ഇയക്കം എക്‌സിക്യൂട്ടീവ് അംഗങ്ങളുമായി വിജയ് കൂടിക്കാഴ്ച നടത്തുകയും ഭക്ഷണം നല്‍കുകയും ചെയ്തിരുന്നു. വിജയ് വന്നതിന്റെയും തങ്ങള്‍ക്കൊപ്പം പങ്ക് ചേര്‍ന്നതിന്റെയും സന്തോഷം സോഷ്യല്‍ മീഡിയയിലൂടെ ആഘോഷിക്കുകയാണ് ആരാധകര്‍. അതിന്റെ ഭാഗമായി ശാരീരിക വൈകല്യമുള്ള തന്റെ ഒരു ആരാധകനെ കൈയ്യിലെടുത്ത് വിജയ് ഫോട്ടോയ്ക്ക് പോസ് കൊടുത്തതും വൈറലായി.

എന്നാല്‍ ആ ഫോട്ടോ വൈറലായപ്പോള്‍ മറ്റ് ആളുകള്‍ ശ്രദ്ധിച്ചത് താഴോട്ടേക്ക് ആണ്. വിജയ് ധരിച്ച ചെരുപ്പിന്റെ വില അന്വേഷിച്ച് പോയ ചില പാപ്പരാസികള്‍ വില കണ്ട് ഞെട്ടിയ അവസ്ഥയിലാണ്. ഫോട്ടോ സൂം ചെയ്തു നോക്കിയപ്പോഴാണ് അത് ഏതാണ് ബ്രാന്റ് എന്നും, വില എത്രത്തോളം ഉണ്ടാവും എന്നും കണ്ടെത്തിയത്. 5999 രൂപ വില വരുന്ന കൂടി ബ്രാന്റിന്റെ ചെരുപ്പാണ് വിജയ് ധരിച്ചിരിയ്ക്കുന്നതത്രെ.

പൊങ്കലിന് റിലീസ് ആവാന്‍ ഒരുങ്ങുന്ന വാരിസ് എന്ന ചിത്രത്തിന്റെ പ്രൊമോഷന്‍ തിരക്കുകളിലാണ് നിലവില്‍ വിജയ്. അതിന് മുന്‍പ് ചെന്നൈയിലെ നഹ്‌റു ഇന്റോര്‍ സ്‌റ്റേഡിയത്തില്‍ നടക്കാനിരിയ്ക്കുന്ന ഗ്രാന്റ് ഓഡിയോ ലോഞ്ചില്‍ വിജയ് നടത്താനിരിയ്ക്കുന്ന പ്രസംഗം കേള്‍ക്കാനും ആരാധകര്‍ അക്ഷമരായി കാത്തിരിയ്ക്കുന്നുണ്ട്. വംശി പൈയിടിപ്പള്ളി സംവിധാനം ചെയ്യുന്ന ചിത്രത്തില്‍ രശ്മിക മന്ദാനയാണ് വിജയ് യുടെ നായികയായി എത്തുന്നത്.