സുകുവേട്ടൻ യാത്രയായി; ഒരു ഒാർമ്മക്കുറിപ്പ്

ഇന്നലെ അന്തരിച്ച സംവിധായകൻ സുകുമേനോന് ((78) ആദരാഞ്ജലിയുമായി സിനിമ ലോകം. ഹൃദയാഘാതത്തെ തുടര്‍ന്ന് ചെന്നൈ മദ്രാസ് മെഡിക്കല്‍ മിഷന്‍ ആശുപത്രിയില്‍ ബുധനാഴ്ച്ച രാത്രിയായിരുന്നു അന്ത്യം. സിദ്ധിഖിനെ പ്രധാന കഥാപാത്രമാക്കി 'അച്ഛന്‍ തന്ന ഭാര്യ' എന്ന ചിത്രത്തിൻ്റെ ഒരുക്കത്തിലായിരുന്നു അദ്ദേഹം. സംവിധായകന്‍ വേണുവിന്‍റെ സഹോദരന്‍ കൂടിയായ സുകു മേനോന്‍, വേണുവിനൊപ്പം നിരവധി ചിത്രങ്ങളില്‍ പ്രവര്‍ത്തിച്ചിട്ടുണ്ട്.

തിലകന്‍ അഭിനയിച്ച കളഭമഴയാണ് അവസാന ചിത്രം. ഇൗ ചിത്രം ചിത്രം 2011ലാണ് പുറത്തിറങ്ങിയത്. മധു, ജയഭാരതി, ഉര്‍വശി, ബാലന്‍ കെ നായര്‍ എന്നിവരഭനയിച്ച നമ്മുടെ നാട്, കോമഡി കിംഗ് എന്ന ചിത്രവും സുകു മേനോന്‍ സംവിധാനം ചെയ്തിട്ടുണ്ട്. 'സ്വപ്നങ്ങളൊക്കെയും പങ്ക് വെക്കാം' എന്ന ഹിറ്റ് ഗാനം അദ്ദേഹത്തിൻ്റെ പുറത്തിറങ്ങാത്ത ചിത്രം 'കാണാൻ കൊതിച്ച്' എന്ന ചിത്രത്തിലേതാണ്. പൂ‍ർത്തിയാക്കാൻ കഴിയാതെ പോയ ആ സിനിമയിലെ വരികൾ പങ്ക് വെച്ച് ഒഎൻവിയുടെ മകനും സംഗീതജ്ഞനുമായി രാജീവ് സുകുമേനോനെ കുറിച്ച് ഫേസ് ബുക്കിൽ ഒാർമ്മകൾ പങ്ക് വെച്ചു