അഭിപ്രായം
ഒപ്പീനിയേറ്റഡ് വുമണ്‍ ആണ് ഞാന്‍. എന്റെ നാല് ചുവരുകള്‍ക്കുള്ളിലേ ഞാനിപ്പോള്‍ അഭിപ്രായം പറയുന്നുള്ളു. ഇതുപോലെ അഭിമുഖങ്ങളില്‍ വന്ന് സംസാരിച്ചിരിക്കാം. അല്ലാതെ ഒരു സഭയില്‍ പോയി നിന്ന് സംസാരിക്കാന്‍ ഇതുവരെ സാധിച്ചിട്ടില്ല. അത് എത്രമാത്രം എനിക്ക് ചെയ്യാന്‍ പറ്റും എന്നറിയില്ല. അത് ചിലപ്പോള്‍ എന്റെ കുറവായിരിക്കാം. ആള്‍ക്കാര്‍ക്ക് എത്രമാത്രം എന്നെക്കൊണ്ട് ഇന്‍ഫ്‌ളുവന്‍സ് ചെയ്യിക്കാനാവുമെന്നറിയില്ല. ആളുകള്‍ ഇന്‍സ്പയേഡായാല്‍ സന്തോഷം. മന:പ്പൂര്‍വ്വമായി ആരേയും ഇംപ്രസ് ചെയ്യിക്കാനായി ഞാനൊന്നും ചെയ്യുന്നില്ല.
തീരുമാനം
എന്റെ ജീവിത സാഹചര്യങ്ങള്‍ കൊണ്ട് ഞാനെടുക്കുന്ന തീരുമാനങ്ങള്‍ അങ്ങനെയാകുന്നതാണ്. ഞാന്‍ വായിക്കുകയും മനസിലാക്കുകയും കേള്‍ക്കുകയും പ്രവര്‍ത്തിക്കുകയുമൊക്കെ ചെയ്യുന്ന കാര്യങ്ങളാവാം. എന്റെ ഫാമിലിയും സുഹൃത്തുക്കളുടെയുമെല്ലാം ഇന്‍ഫ്‌ളുവന്‍സാണ് എന്റെ ഒപ്പീനിയനായി വരുന്നത്. അവരുടെ അഭിപ്രായമല്ല എന്റെ തീരുമാനം. ബ്രേക്കപ്പിന് താന്‍ എങ്ങനെയാണ് നേരിട്ടതെന്നും അഭയ അഭിമുഖത്തില്‍ തുറന്ന് പറഞ്ഞിരുന്നു.
ബ്രേക്കപ്പിനെക്കുറിച്ച്
എനിക്ക് ബ്രേക്കപ്പുണ്ടായ സമയത്ത് പിറ്റേ ദിവസം തന്നെ ഞാന്‍ ജോലി ചെയ്യാന്‍ തുടങ്ങിയിരുന്നു. ഞാന്‍ ശക്തയായ സ്ത്രീയാണെന്ന് ആരേയും ബോധിപ്പിക്കുന്നതിന് വേണ്ടി ചെയ്തതല്ല. എന്റേതായൊരു ലോകമുണ്ടെന്ന് എനിക്ക് എന്നെത്തന്നെ മനസിലാക്കിക്കുന്നതിനായാണ് അത് ചെയ്തത്. നമ്മള്‍ നമുക്ക് തന്നെ കോമ്പറ്റീഷനാണെന്ന് മനസിലാക്കണം. സ്‌ട്രോംഗാണെന്ന് പറയുന്ന എനിക്ക് വീക്ക് പോയിന്റുണ്ട്. അത് സോഷ്യല്‍മീഡിയയിലൂടെ നിങ്ങള്‍ക്ക് കാണാനാവില്ല, അതെന്റെ കൂടെയുള്ളവര്‍ കാണുന്നുണ്ട്.
വീക്കാണ്
സ്‌ട്രോംഗായിരിക്കുമ്പോള്‍ തന്നെ വീക്കായൊരു വ്യക്തി കൂടിയാണ് ഞാന്‍. അതൊന്നും ആരേയും കാണിക്കാറില്ലെന്ന് മാത്രം. കംപ്ലയന്റ് പറയാനായി തുടങ്ങിക്കഴിഞ്ഞാല്‍ അത് മാത്രമേ നടക്കുള്ളൂ. നമുക്ക് മുന്നോട്ട് പോവണമെങ്കില്‍ ജോലി ചെയ്‌തേ മതിയാവൂ. നമ്മളെ നമ്മള്‍ തന്നെ ശ്രദ്ധിക്കണം. ചേച്ചി സ്‌ട്രോംങ്ങാണ്, എങ്ങനെയാണ് കാര്യങ്ങള്‍ ഹാന്‍ഡില്‍ ചെയ്യുന്നതെന്നൊക്കെ എന്നോട് പലരും ചോദിക്കാറുണ്ട്. എല്ലാവര്‍ക്കും അവരവരുടേതായ സ്ട്രഗിള്‍സ് ഉണ്ട്. അവരവരുടേതായ വഴികളിലൂടെ അതിനെ തരണം ചെയ്യണം. എന്റേത് പോലെയായിരിക്കില്ല നിങ്ങളുടേത്.