മിന്നല് മുരളിയുടെ സെറ്റ് തകര്ത്ത സംഭവത്തില് പ്രതികരണവുമായി നടന് ഷറഫുദ്ദീന്. അല്ലയോ സാമൂഹിക വിരുദ്ധനായ സഹോദരാ... എന്ന് അഭിസംബോധന നടത്തിയാണ് ഷറഫുദ്ദീന്റെ ഫെയ്സ്ബുക്ക് പോസ്റ്റ് ആരംഭിക്കുന്നത്. നര്മ്മത്തില് ചാലിച്ചുള്ള വിമര്ശനം ആരാധകര്ക്കിടയില് വെെറലായി മാറുകയാണ്. സംഭവത്തില് മിന്നല് മുരളി ടീമിന് പിന്തുണയുമായി സിനിമാ രംഗത്തു നിന്നും നിരവധി പേര് രംഗത്തെത്തിയിരുന്നു. ശക്തമായ നടപടിയുണ്ടാകുമെന്ന് മുഖ്യമന്ത്രിയും അറിയിച്ചിരുന്നു.
Also Read: ഒന്നായിട്ട് 7 വര്ഷം; ആസിഫിനും സമയ്ക്കും വിവാഹ വാര്ഷിക ആശംസകളുമായി താരങ്ങള്
അതേസമയം, സംഭവത്തില് രണ്ട് പേരെ പൊലീസ് അറസ്റ്റ് ചെയ്തു. കേസിലെ മുഖ്യപ്രതി എ.എച്ച്.പി നേതാവ് കാര രതീഷ്, കാലടി സ്വദേശി രാഹുല് എന്നിവരാണ് ഇന്നലെ പിടിയിലായത്. മറ്റ് പ്രതികള്ക്കായുള്ള അന്വേഷണം പുരോഗമിക്കുകയാണ്. ഷറഫുദ്ദീന്റെ പോസ്റ്റ് വായിക്കാം,
അല്ലയോ സാമൂഹ്യവിരുദ്ധനായ സഹോദരാ ..
ഈ പണി നിങ്ങൾക്ക് ചുള്ളിയിലോ , മഞ്ഞപ്രയിലോ ഏതെങ്കിലും പാറമടയിൽ പോയി ചെയ്തിരുന്നെങ്കിൽ വൈകുന്നേരമാവുമ്പോൾ എന്തെങ്കിലും നാല് കാശു കയ്യിൽ കിട്ടിയേനെ ,അത് ഇക്കാലത്തു ബുദ്ധിമുട്ടുന്ന സ്വന്തം നാട്ടുകാർക്കോ , ബന്ധുക്കൾക്കോ കൊടുത്തു സഹായിക്കാമായിരുന്നില്ലേ ?
നല്ല കഷ്ട്ടപെട്ടു വെയില് കൊണ്ട് പൊളിച്ചത് കണ്ടു ചോയ്ക്കുന്നതാണ് !
ഈ സിനിമ യുടെ പ്രൊഡ്യൂസർ ശക്തയായ ഒരു സ്ത്രീയാണ് അവർ ഈ സിനിമ പൂർത്തിയാക്കും ! ഇനി സംവിധായകന്റെ കാര്യം പറയണ്ടല്ലോ? നല്ല കഴിവുള്ള ഒരു അസ്സൽ ഡയറക്ടർ ആണ് .
അയാളും ഒരടി പുറകിലേക്ക് പോകില്ല പിന്നെ നിങ്ങൾ എന്തിനാണ് കഷ്ട്ടപെട്ടത് ??
എല്ലാവരും നിങ്ങളെ വിഡ്ഢികൾ എന്നും വിളിക്കുന്നു !
വേറെയും വിളിക്കുന്നുണ്ട് അത് ഞാൻ പറയുന്നില്ല
Also Read: കൊറോണയെക്കാൾ ദുരന്തമായ കൊറേയെണ്ണം! പ്രതികരണവുമായി കുഞ്ചാക്കോ ബോബൻ
നല്ല സങ്കടമുണ്ട് നിങ്ങളുടെ ഈ വേദനയിൽ
ഇനിയുള്ള ദിവസങ്ങൾ നിങ്ങൾക്കു ശുഭകരമാക്കി തരാമെന്നു മുഖ്യമന്ത്രിയും പറഞ്ഞു
ഇനിയെങ്കിലും തിരിച്ചറിവുണ്ടാകാൻ
ഞാൻ പ്രാർത്ഥിക്കാം
മിന്നൽ മുരളി ടീമിന് ഐക്യദാർഢ്യം