എന്നെ എന്തിനാണ് ഇങ്ങനെ കരയിപ്പിക്കുന്നത്, മകള്‍ പ്രാര്‍ത്ഥനയോട് പൂര്‍ണിമ ഇന്ദ്രജിത്ത്!

സോഷ്യല്‍ മീഡിയയില്‍ വളരെ അധികം സജീവമാണ് ഇന്ദ്രജിത്തിന്റെ ഭാര്യ പൂര്‍ണിമയും മകള്‍ പ്രാര്‍ത്ഥനയും. സിനിമയിലേക്ക് ഇറങ്ങി പ്രവൃത്തിച്ചിട്ടില്ലെങ്കിലും അച്ഛന്റെയും അമ്മയുടെയും ഫാന്‍ ഫോളോയിങ് പ്രാര്‍ത്ഥനയ്ക്കും ലഭിച്ചിട്ടുണ്ട്. വെറുതേ അങ്ങ് കിട്ടിയതല്ല, നല്ല അടിപൊളിയായി ഡാന്‍സ് ചെയ്യുകയും പാട്ട് പാടുകയും ചെയ്യും താരപുത്രി!!

ഗിറ്റാറിസ്റ്റ് കൂടെയായ പ്രാര്‍ത്ഥന അടിക്കടി പാട്ട് പാടുന്ന വീഡിയോയും തന്റെ സോഷ്യല്‍ മീഡിയയില്‍ പങ്കുവയ്ക്കാറുണ്ട്. അങ്ങനെ പങ്കുവച്ച വീഡിയോയ്ക്ക് അമ്മ പൂര്‍ണിമ എഴുതിയ കമന്റ് ആണ് ഇപ്പോള്‍ ആരാധകരെ ചിരിപ്പിയ്ക്കുന്നത്.

Also Read:

കുരുതിയിലേക്ക് വിളിച്ചത് പൃഥ്വിരാജ് ആണ്, ആദ്യം തോന്നിയത് പേടിയാണ് എന്ന് റോഷന്‍ മാത്യു

പൊതുവെ വെസ്റ്റേണ്‍ പാട്ടുകള്‍ പാടി വീഡിയോ എടുത്ത് പോസ്റ്റ് ചെയ്യുന്ന പ്രാര്‍ത്ഥന, ഇത്തവണ 'തീരമേ തീരമേ' എന്ന് തുടങ്ങുന്ന പാട്ട് വളരെ വികാരഭരിതമായി പാടുന്നതായിട്ടാണ് വീഡിയോയില്‍ കാണുന്നത്. മനോഹരമായ ശബ്ദവും താളവും പാട്ടിനുണ്ട്. എന്നാല്‍ പൂര്‍ണിമ വീഡിയോയ്ക്ക് താഴെ വന്ന് 'നീ എന്തിനാണ് എന്നെ എന്നും ഇങ്ങിനെ കരയിപ്പിക്കുന്നത്' എന്ന് കമന്റ് എഴുതിയത് എന്ന് മാത്രം ഒരു പിടിയും ഇല്ല.

നിങ്ങളുടെ കൊച്ചു കുട്ടികള്‍ ഒരുപാട് വളര്‍ന്നു, ഇപ്പോഴും നിങ്ങള്‍ക്ക് യാതൊരു മാറ്റവുമില്ലേ എന്ന് പൂര്‍ണിമയോട് ചോദിക്കുന്ന രസകരമായ കമന്റുകളും വീഡിയോയ്ക്ക് താഴെയുണ്ട്. പ്രാര്‍ത്ഥനയില്‍ നിന്നും ഇനിയും ധാരാളം മലയാളം പാട്ടുകള്‍ പ്രതീക്ഷിക്കുന്നു എന്ന് ചിലര്‍ കമന്റ് എഴുതി.