അഭിമുഖം: സയനോരയിലെ വനിതയെ പ്രചോദിപ്പിക്കുന്ന പാട്ട് ?

സയനോരയെ പ്രചോദിപ്പിച്ച ഒരു പാട്ട് ?

Samayam Malayalam

രാസാത്തി (സന്തോഷ് നാരായണന്). ഒരു സ്ത്രീ എങ്ങനെയാകണം, സമൂഹം എങ്ങനെ അവരോട് പെരുമാറണം എന്നൊക്കെ രാസാത്തി പറയുന്നുണ്ട്.

ജീവിതം മാറ്റിമറിച്ച ഒരു തീരുമാനം ?

എ.ആര് റഹ്മാന് കോറസ് സിങ്ങറായി പാടാന് വിളിച്ചപ്പോള് പോകാന് തീരുമാനിച്ചത്. സാധാരണ കോറസ് സിങ്ങര്മാരുടെ കൂട്ടിന് ആരും യാത്ര ചെയ്യുന്ന പതിവില്ല. എന്റെ കൂടെ എല്ലാ പരിപാടികള്ക്കും അച്ഛന് വരുന്നതായിരുന്നു അന്ന് പതിവ്. പക്ഷേ, അച്ഛനെ പറഞ്ഞു മനസിലാക്കാന് എനിക്ക് കഴിഞ്ഞു.

എപ്പോഴും പ്രചോദിപ്പിക്കുന്ന വ്യക്തി?

എന്റെ അമ്മ. അമ്മ ഒരു ടീച്ചറാണ്. അമ്മയെക്കുറിച്ച് ഒരു കൗതുകമുള്ളകാര്യം ഓര്ക്കുന്നത്, ഒരു പത്ത് വര്ഷം മുന്പ് അമ്മ ബൈക്ക് ഓടിച്ച് പരിശീലിക്കാന് തീരുമാനിച്ചത്. അച്ഛന് അമ്മയെ പഠിപ്പിക്കും. ഇടയ്ക്ക് വീഴാന് പോകും, ആളുകള് ചിരിക്കും.പക്ഷേ, അമ്മ എപ്പോഴും പറയും, നമ്മുടെ ജീവിതം നമ്മള് ഒറ്റയ്ക്ക് തന്നെ ജീവിക്കാന് നോക്കണം. ആരെയും ആശ്രയിച്ച് നില്ക്കരുത്.

സംഗീത സംവിധാനം ചെയ്യാമോ എന്ന ചോദ്യം കേട്ടപ്പോള്?

അപൂര്വമായെ ഇങ്ങനൊരു ചോദ്യം കേള്ക്കാനാകൂ. ഒരു അവസരം എന്നതിനെക്കാള് വലുതായിട്ട് ഒരു വാതില് തുറന്നുകിട്ടുന്നത് പോലെയാണത്.

(സയനോര ഫിലിപ്പ് ഗാന(ഡോട്ട്)കോമിന് നല്കിയ പ്രത്യേക അഭിമുഖത്തിന്റെ പ്രസക്തഭാഗങ്ങള്. അഭിമുഖം മുഴുവനായി ഇവിടെ കാണാം)