അച്ഛന്‍റെ എംപി സ്ഥാനം നൽകിയ കയ്പേറിയ അനുഭവങ്ങൾ; ഗോകുൽ

'മുത്തുഗൗ' എന്ന ചിത്രത്തിലൂടെ ഏവർക്കും സുപരിചിതനാണ് ഗോകുൽ സുരേഷ്. സുരേഷ് ഗോപിയുടെ മകൻ ഗോകുൽ അച്ഛന്‍റെ രാഷ്ട്രീയ പ്രവേശനത്തിന് ശേഷമുണ്ടായ അനുഭവങ്ങൾ പങ്കുവയ്ക്കുകയാണ് ഇവിടെ. അച്ഛന്‍റെ ആക്ഷൻ ചിത്രങ്ങളെല്ലാം തനിക്ക് ഇഷ്ടമാണ്. വാഴുന്നോർ ലേലം തുടങ്ങിയ ആക്ഷൻ പടങ്ങളെല്ലാം വളരെ ആസ്വദിച്ച് കണ്ടിരുന്നവയാണ്. അച്ഛന്‍റെ പൊലീസ് വേഷങ്ങളും തനിക്ക് വളരെയധികം ആവേശകരമായിരുന്നു. ഭരത് ചന്ദ്രനായി അഭിനയിക്കുന്ന സമയത്ത് ഞാനും അനിയത്തിയും അച്ഛനെ സല്യൂട്ട് ചെയ്യുമായിരുന്നു. ഇപ്പോൾ പോലീസുകാർ അച്ഛനെ സല്യൂട്ട് ചെയ്യുന്നത് കാണുമ്പോൾ വളരെയേറെ അഭിമാനം തോന്നാറുണ്ട്.



എന്നാല്‍ അച്ഛന്‍ എംപിയായ ശേഷം ഏറ്റവുമധികം ടോര്‍ച്ചർ അനുഭവിക്കേണ്ടി വന്നത് തനിക്കാണ്. അച്ഛന്‍റെ രാഷ്ട്രീയത്തിലേക്കുള്ള വരവ് എന്നെ മാനസികമായി തളർത്തിയെന്നാണ് അച്ഛന്‍റെ സിനിമകൾ കണ്ട് ആവേശംപൂണ്ട മകൻ പറയുന്നത്. തനിക്കുണ്ടായ കയ്പ്പേറിയ അനുഭവങ്ങളെ കുറിച്ച് ഗോകുൽ പറയുന്നതിങ്ങനെ; 'ബെംഗലൂരുവിൽ ക്രൈസ്റ്റ് കോളേജിൽ അവസാന വർഷം പഠിക്കുമ്പോഴായിരുന്നു അച്ഛൻ എംപി ആയത്. ഈ അവസരത്തിൽ ഓരോ കാരണങ്ങൾ പറഞ്ഞ് തന്നെ റെഗുലർ പരീക്ഷയിൽ നിന്നും മാറ്റി നിർത്തിയിരുന്നു. ഇത് മാനസികമായി തന്നെ വളരെയധികം വിഷമിപ്പിച്ചു'വെന്നാണ് ഗോകുൽ പറയുന്നത്.

ഫ്രൈഡെ ഫിലിംസിന്‍റെ ബാനറില്‍ സാന്ദ്ര തോമസും വിജയ് ബാബുവും ചേർന്ന് ഒരുക്കിയ 'മുദ്ദുഗൗ' എന്ന ചിത്രത്തിലൂടെയാണ് ഗോകുല്‍ മലയാള സിനിമയിൽ അരങ്ങേറിയത്. ചിത്രം പ്രേക്ഷക ശ്രദ്ധ നേടിയെങ്കിലും ഗോകുലിന് മികച്ച സ്വീകാര്യത ലഭിച്ചിരുന്നില്ല. തുടർന്ന് കേരള ഫിലിം ക്രിട്ടിക്‌സ് പുരസ്‌കാരം നേടിയ 'അക്കല്‍ദാമയിലെ പെണ്ണ്' എന്ന ചിത്രത്തിൽ വേഷമിട്ടു. പി ജയറാം കൈലാസ് സംവിധാനം ചെയ്യുന്ന 'പപ്പു' എന്ന ചിത്രത്തിലാണ് ഗോകുല്‍ ഇപ്പോള്‍ അഭിനയിച്ചുകൊണ്ടിരിക്കുന്നത്.

Gokul Suresh shares some bitter experience

Actor Gokul Suresh, son of Suresh Gopi, shares some bitter experience that he had to face.