മമ്മീ ഞാൻ ടോയ്ലെറ്റിൽ പോവണമെന്നല്ലേ പറഞ്ഞത്! മമ്മിക്ക് പുതിയ വാവ വന്നു, അറിഞ്ഞാരുന്നോ? കുപ്രചാരണങ്ങൾ കാണുമ്പോൾ എന്താണ് തോന്നുന്നതെന്ന ചോദ്യത്തിന് സുന്ദറും അമൃതയും പറഞ്ഞ മറുപടി?

രാവിലെ എഴുന്നേല്‍ക്കുമ്പോള്‍ എനിക്കെന്താണ് ഇന്ന് പറ്റിയതെന്ന് നോക്കാറുണ്ട്. ഇന്ന് നമുക്ക് സംഭവിച്ചതെന്താണെന്ന് നോക്കാമെന്ന് അമൃത പറയാറുണ്ട്. കണ്ടന്റെ ക്രിയേറ്റ് ചെയ്യുമ്പോള്‍ അതാത് വ്യക്തിയോട് ചോദിക്കണം. നമ്മളെ ഒരു പ്രോപ്പര്‍ട്ടിയായി ഉപയോഗിക്കുകയാണ് ചെയ്യുന്നത്. സിനിമയിലോ ഷോയിലോ ഉപയോഗിക്കുകയാണെങ്കില്‍ അത് നല്ല ടാലന്റാണെന്നുമായിരുന്നു ഗോപി സുന്ദര്‍ പറഞ്ഞത്. എന്നോട് ചോദിക്കുകയാണെങ്കില്‍ ഞാന്‍ പറഞ്ഞ് തരാം. നല്ല ഇന്ററിസ്റ്റാംഗിയിട്ടുള്ള കാര്യങ്ങള്‍ ഞാന്‍ പറഞ്ഞ് തരാം.

പൊതുവെ ഞാനങ്ങനെ നോക്കാറില്ല. ഇവളാണ് ഇപ്പോള്‍ അതൊക്കെ കാണിച്ച് തരുന്നത്. ഞങ്ങള്‍ തന്നെ വായിച്ച് ചിരിച്ച സംഭവമായിരുന്നു ഗുരുവായൂരിലെ ഫോട്ടോയിലേത്. അവള്‍ക്ക് കക്കൂസില്‍ പോവണമെന്നാണ് പറഞ്ഞത്. മമ്മീ എനിക്ക് കക്കൂസില്‍ പോവണമെന്ന് പറഞ്ഞത് ഇവരെന്താണ് വിശക്കണൂ എന്നാക്കിയതെന്നായിരുന്നു അവളുടെ ചോദ്യമെന്ന് അമൃത പറയുന്നു. കുട്ടികളും ഇതൊക്കെ കാണുന്നതാണ്. അവര്‍ക്കും യൂട്യൂബും ഇന്റര്‍നെറ്റുമൊക്കെ ഉള്ളതാണ്. ഇതിലൊന്നും ചെയ്യാന്‍ പറ്റില്ല നമുക്ക്, നമുക്കിത് വിട്ടുകളയാം. അതേപോലെ അവരും നമ്മുടെ ജീവിതത്തില്‍ തലയിടാതിരിക്കട്ടെ.

പാപ്പുവിന്റെ ഇപ്പോഴത്തെ അവസ്ഥ കണ്ടാല്‍ ഞെട്ടുമെന്നൊക്കെയാണ് ചില പോസ്റ്റുകള്‍. നമ്മള്‍ തൊഴുതിറങ്ങിയിട്ടേയുണ്ടായിരുന്നുള്ളൂ. അപ്പോഴാണ് അവള്‍ ടോയ്‌ലറ്റില്‍ പോവണമെന്ന് പറഞ്ഞത്. ആളുകള്‍ ഫോട്ടോയെടുക്കാന്‍ വരുന്നുമുണ്ട്. എന്ത് ചെയ്യുമെന്നറിയാതെ നില്‍ക്കുകയായിരുന്നു ഞങ്ങള്‍. മമ്മീ, മമ്മിക്ക് പുതിയ വാവ വന്നു, യൂട്യൂബില്‍ കണ്ടതാണെന്നായിരുന്നു കഴിഞ്ഞ ദിവസം അവള്‍ പറഞ്ഞത്. ഇവളത്രയും ലൈറ്റായാണ് കാണുന്നത്. ഇപ്പോഴത്തെ കുട്ടികളൊക്കെ അഡ്വാന്‍സ്ഡാണെന്നായിരുന്നു ഗോപി സുന്ദര്‍ പറഞ്ഞത്.

വാര്‍ത്തകള്‍ക്ക് വില കല്‍പ്പിക്കാത്ത തരത്തിലുള്ള സമൂഹമായിരിക്കും ഇനി വരുന്നത്. പണ്ടുകാലത്തും മഞ്ഞപ്പത്രമുണ്ടായിരുന്നു. അന്നൊന്നും ആരും വായിക്കുമായിരുന്നില്ല. ഇന്നിപ്പോള്‍ ഉള്ളത് മുഴുവന്‍ അതാണ്. പാപ്പുവിന്റെ ജനറേഷനൊക്കെ വാര്‍ത്തയെ കാണുന്നതും സമീപിക്കുന്നതും ഇങ്ങനെയുള്ള രീതിയിലാണ്. വാര്‍ത്തയില്‍ കണ്ടതല്ലേയെന്നായിരിക്കും അവരുടെ ചോദ്യം.