ജിമ്മിലെ ചിത്രം
ഫിറ്റ്‌നസിന്റെ കാര്യത്തില്‍ അങ്ങേയറ്റം ശ്രദ്ധ കൊടുക്കുന്നവരാണ് അമൃത സുരേഷും ഗോപി സുന്ദറും അഭയ ഹിരണ്‍മയിയും. വര്‍ക്കൗട്ട് ചിത്രങ്ങളും വീഡിയോയുമെല്ലാം ഇവര്‍ പങ്കിടാറുണ്ട്. അമൃത സുരേഷിനൊപ്പമുള്ള ചിത്രമായിരുന്നു കഴിഞ്ഞ ദിവസം ഇന്‍സ്റ്റഗ്രാം സ്റ്റോറിയാക്കിയത്. അമൃതയും ഇതേ ഫോട്ടോ സ്‌റ്റോറിയാക്കിയിരുന്നു.
അഭയയ്‌ക്കൊപ്പമുള്ള വീഡിയോ
അമൃതയ്‌ക്കൊപ്പമുള്ള ചിത്രം വൈറലായി മാറിയതോടെയാണ് അഭയയ്‌ക്കൊപ്പമുള്ള വര്‍ക്കൗട്ട് വീഡിയോയും സോഷ്യല്‍മീഡിയയിലൂടെ പ്രചരിച്ചത്. ഡിസിപ്ലിന്‍, നാളുകള്‍ക്ക് ശേഷമായാണ് ഞാന്‍ ഡിസ്ലിപിന്‍ പരിശീലിക്കാന്‍ തുടങ്ങിയത്. ജീവിതത്തില്‍ ഉയര്‍ച്ച താഴ്ചകളുണ്ടാവുമെന്നും നമ്മള്‍ സ്വയമായി അതിനെ അതിജീവിക്കണമെന്നുമായിരുന്നു അഭയ അന്ന് കുറിച്ചത്.
ചിത്രങ്ങളും വീഡിയോയും
8 വര്‍ഷം ഒന്നിച്ച് ജീവിച്ചതിന് ശേഷമായാണ് ഗോപി സുന്ദറുമായുള്ള പ്രണയം അഭയ പരസ്യമാക്കിയത്. സോഷ്യല്‍മീഡിയയിലൂടെ അഭയയുടെ പോസ്റ്റ് അന്ന് വൈറലായിരുന്നു. പിറന്നാള്‍ ദിനത്തിലും മറ്റ് വിശേഷാവസരങ്ങളിലുമെല്ലാം ഇരുവരും ഒന്നിച്ചുള്ള ചിത്രങ്ങള്‍ പങ്കിടാറുണ്ട്. അവാര്‍ഡ് നിശകളിലും ചാനല്‍ പരിപാടികളിലുമെല്ലാം ഒന്നിച്ച് പ്രത്യക്ഷപ്പെടാറുണ്ട്.
ഗോപിയേട്ടന്‍ വന്നോ
ഗോപി സുന്ദറും അമൃതയും ഫോട്ടോ പോസ്റ്റ് ചെയ്തതോടെയാണ് അഭയയോട് ഗോപിയെക്കുറിച്ച് ചോദിച്ച് ചിലരെത്തിയത്. പിറന്നാളാഘോഷത്തിന്റെ ചിത്രവും വീഡിയോയും പോസ്റ്റ് ചെയ്തപ്പോള്‍ ഗോപിയേട്ടന്‍ വന്നില്ലേയെന്നായിരുന്നു ഒരാള്‍ ചോദിച്ചത്. വന്നിരുന്നു, നിന്ന അറിയിക്കാനായില്ലെന്നായിരുന്നു അഭയയുടെ മറുപടി, ഈ മറുപടിയും വൈറലായിരുന്നു.