ആദ്യം ചുമ തുടങ്ങി; പിന്നെയത് ശ്വാസം മുട്ടലായി, തലപൊളിയുന്ന വേദനയും ആയി; ഗ്രേസ് ആന്റണി

ബ്രഹ്‌മപുരം മാലിന്യ പ്ലാന്‍റിലുണ്ടായ തീപിടിത്തത്തെ തുടര്‍ന്നുള്ള സാഹചര്യങ്ങള്‍ ആണ് ഇപ്പോൾ സോഷ്യൽ മീഡിയയിൽ ചർച്ച. പത്താം ദിവസവും പുക അടങ്ങുന്നില്ല അതിന്റെ ആകുലതയിൽ ആണ് ജനങ്ങൾ. ഇപ്പോഴിതാ നടി ഗ്രേസ് ആന്റണി പങ്കിട്ട പോസ്റ്റാണ് വൈറലായി മാറുന്നത്. പത്തുദിവസമായി അനുഭവിക്കുകയാണ് ജനങ്ങൾ. ഒന്ന് ശ്വാസം വിടാൻ പോലും പറ്റാത്ത അവസ്ഥയിൽ നമ്മളെ ആരാണ് ഈ നിലയിൽ എത്തിച്ചത്. നമ്മൾ ഒക്കെ തന്നെ അല്ലെ. മറ്റാരുടെയും അവസ്ഥ പറയുന്നതിലും നല്ലത് ഞാൻ എന്റെ അവസ്ഥ പറയാം എന്നും ഗ്രേസ് കുറിച്ചു.

നടിയുടെ വാക്കുകൾ
കഴിഞ്ഞ പത്തുദിവസമായി അനുഭവിക്കുകയാണ് ജനങ്ങൾ. ഒന്ന് ശ്വാസം വിടാൻ പോലും പറ്റാത്ത അവസ്ഥയിൽ നമ്മളെ ആരാണ് ഈ നിലയിൽ എത്തിച്ചത്. നമ്മൾ ഒക്കെ തന്നെ അല്ലെ. മറ്റാരുടെയും അവസ്ഥ പറയുന്നതിലും നല്ലത് ഞാൻ എന്റെ അവസ്ഥ പറയാം.

പുക ആരംഭിച്ച അന്ന് മുതൽ എനിക്കും എന്റെ വീട്ടിൽ ഉള്ളവർക്കും ചുമ തുടങ്ങി. പിന്നെയത് സഹവാസം മുട്ടലായി, കണ്ണുനീറി വെള്ളം വന്നു തുടങ്ങി. തല പൊളിയുന്ന വേദന. നീണ്ട പത്തു ദിവസമായി ഞങ്ങൾ അനുഭവിക്കുന്നത് ഇതാണ്. അപ്പോൾ തീ അണയ്ക്കാൻ പാട് പെടുന്ന അഗ്നി ശമന സ്നേഹായുടെയും, ബ്രഹ്മപുരത്തെ ചുറ്റി ജീവിക്കുന്ന ജങ്ങളുടെയും അവസ്ഥ കാണാതെ പോകരുത്.

ഒരു ദുരവസ്ഥ വന്നിട്ട് അത് പരിഹരിക്കുന്നതിലും നല്ലത്. അത് വരാതെ നോക്കുന്നതല്ലേ. ലോകത്തിൽ എന്ത് നോപ്രോബ്ലം ഉണ്ടയാളും പൊളിറ്റിക്കൽ കറക്ട്നെസ്സ് എന്ന് പറഞ്ഞു പ്രതിരിക്കുന്ന നമുക്ക് എന്താ ഇതിനെ കുറിച്ച് ഒന്നും പറയാൻ ഇല്ലേ, "അതോ പുക അടിച്ചു ബോധം കേട്ടിരിക്കുകയാണോ?", ഒന്നും കിട്ടിയില്ല എങ്കിലും നമുക്ക് വേണ്ടത് ശ്വാസം മുട്ടിച്ചു കൊല്ലില്ല എന്ന ഉറപ്പാണ്. ഇപ്പോൾ അത് പോയി കിട്ടി- ഗ്രേസ് പറയുന്നുണ്ട്.


അശ്വതി ശ്രീകാന്തും സമാനമായ വിഷയത്തിൽ പ്രതികരിച്ചു.

അശ്വതിയുടെ പോസ്റ്റ്

എല്ലാവർക്കും ഒരുപോലെ അവകാശപ്പെട്ട ഭൂമിയിൽ സകലതിനും കാശ് കൊടുത്ത് ജീവിക്കേണ്ട അവസ്ഥയുള്ള ഒരേ ഒരു ജീവി വർഗം മനുഷ്യരാണെന്ന് ഓർക്കുമ്പോൾ അത്ഭുതം തോന്നാറുണ്ട്. എല്ലാവരുടേതുമായ ഭൂമി, എല്ലാവരുടേതുമായ വെള്ളം, എല്ലാവരുടേതുമായ വായു. മനുഷ്യർ സകലതും വെട്ടിപ്പിടിച്ചും മാറ്റിവച്ചും വിലയിട്ടതിനു ശേഷം മിച്ചമുണ്ടായിരുന്നത് കുറച്ച് പ്രാണവായു ആയിരുന്നു. കാശ് കൊടുക്കാതെ സുലഭമായി കിട്ടിയിരുന്നത്...! അതിനുള്ള അവകാശം കൂടിയാണ് കഴിഞ്ഞ കുറച്ച് ദിവസങ്ങളായി കൊച്ചിക്കാർക്ക് നഷ്ടപ്പെടുന്നത്. ആരുടെ അനാസ്ഥയായാലും അധികാരികൾ സമാധാനം പറഞ്ഞേ മതിയാവൂ. നിങ്ങളിൽ ചിലരുടെ സ്വാർത്ഥ ലാഭങ്ങൾക്ക് വില കൊടുക്കുന്നത് ലക്ഷക്കണക്കിന് മനുഷ്യരാണ്.

നുണകൾക്ക് മേൽ നുണകൾ നിരത്തി ഈ പുകമറയിൽ നിങ്ങൾ എത്ര നാൾ ഒളിഞ്ഞിരിക്കും ?? പുക മണം തിക്കി തലവേദനിക്കുന്ന വീടകങ്ങളിൽ, എല്ലാം നിങ്ങൾ പരിഹരിക്കും എന്ന് വിശ്വസിച്ച് ഞങ്ങൾ ഉറങ്ങിയാൽ, നാളെ ഉണരും എന്ന് എന്താണുറപ്പ് ??- അശ്വതി ചോദിക്കുന്നു.