ശ്രീദേവിയ്ക്കായി ഹോളി ആഘോഷം ഉപേക്ഷിച്ച് ഗ്രീൻ ഏക്കേഴ്സ് സൊസൈറ്റി

മുംബൈ: നടി ശ്രീദേവിയുടെ മരണത്തിൽ അനുശോചിച്ച് താരത്തിന്‍റെ വീട് സ്ഥിതി ചെയ്യുന്ന ലോഖണ്ഡ്‍‍വാലാ ഗ്രീൻ ഏക്കേഴ്സ് ഹൗസിങ് സൊസൈറ്റി. ശ്രീദേവിയോടുള്ള ബഹുമാനാര്‍ത്ഥം തങ്ങളുടെ ഹോളി ആഘോഷം ഉപേക്ഷിക്കുകയാണെന്ന് സൊസൈറ്റി പ്രസ്താവനയിലൂടെ അറിയിച്ചു.

ഇക്കാലമത്രയും തന്‍റെ അഭിനയമികവിലൂടെ നമ്മെ രസിപ്പിച്ച മിസ്. ശ്രീദേവിയോടുള്ള ബഹുമാനസൂചകമായി മാര്‍ച്ച് 2-ാം തീയതി നടക്കുന്ന ഹോളി ആഘോഷം ഉപേക്ഷിച്ചതായും അന്നേ ദിവസത്തെ ആഘോഷപരിപാടികളും ഉച്ച ഭക്ഷണവും വേണ്ടെന്നു വെച്ചെന്നുമാണ് സൊസൈറ്റി ചെയര്‍മാന്‍റെ പ്രസ്താവന.

ലോഖണ്ഡ്‍‍വാല ഗ്രീൻ ഏക്കേഴ്സ് സമുച്ചയത്തിലെ സെലിബ്രേഷൻ സ്പോര്‍ട്സ് ക്ലബിലാണ് ശ്രീദേവിയുടെ ഭൗതികശരീരം പൊതുദര്‍ശനത്തിന് വെച്ചിരിക്കുന്നതും.