നിങ്ങളുടെ വായ ആരെങ്കിലും തുന്നിക്കെട്ടിയോ; താരങ്ങള്‍ക്കെതിരെ ഹരീഷ് പേരടി

ചില സിനിമകളിൽ അഭിനയിക്കുന്നതിനിടെ ഉണ്ടായ പ്രശ്നങ്ങള്‍ മൂലം നടന്‍ ഷെയ്ന്‍ നിഗത്തിന് സിനിമാ നിര്‍മ്മാതാക്കള്‍ വിലക്കേര്‍പ്പെടുത്തിയ സംഭവത്തില്‍ പ്രതികരണവുമായി രംഗത്തെത്തിയിരിക്കുകയാണ് നടന്‍ ഹരീഷ് പേരടി. നിര്‍മ്മാതാക്കള്‍ അവരുടെ നിലപാട് വ്യക്തമാക്കിയിരിക്കുകയാണ്. അതിനോട് യോജിക്കുകയോ വിയോജിക്കുകയോ ചെയ്യാം, എന്നാല്‍ ഇവിടെ രാഷ്ട്രീയവും മാനുഷികവുമായ വിഷയങ്ങളിലെല്ലാം ഇടപെട്ടിരുന്ന താരങ്ങള്‍ എവിടെപ്പോയെന്നാണ് ഹരീഷ് പേരടി ഫേസ്ബുക്ക് കുറിപ്പിലൂടെ ചോദിക്കുന്നത്.

Also Read: ‘എങ്ങനെയാണ് എന്നെ വിലക്കുക? കൈയും കാലും കെട്ടിയിടോ, ഇതില്‍ വേറൊരു രാഷ്ട്രീയമുണ്ട്’; തുറന്ന് പറഞ്ഞ് ഷെയിന്‍ നിഗം


Also Read: ഷെയ്ൻ നിഗമിൻ്റെ വിലക്ക്; പരാതി ചര്‍ച്ച ചെയ്യുമെന്ന് 'അമ്മ': തുടര്‍നടപടിയുണ്ടാകും!

ആഷിഖ് അബു, ശ്യാംപുഷ്ക്കരൻ, രാജീവ് രവി, ഗീതു മോഹൻദാസ്, പാർവതി തിരുവോത്ത്...ഇനിയുമുണ്ട് പേരുകൾ ...നിങ്ങളുടെ വായ ആരെങ്കിലും തുന്നികെട്ടിയോ എന്നാണ് ഹരീഷ് കുറിപ്പിൽ ചോദിക്കുന്നത്. നിങ്ങളുടെ സിനിമയിൽ അഭിനയിച്ച ഷെയ്ൻ നിഗം എന്ന നടന്റെ പ്രശ്നം ലോകം മുഴുവനുള്ള മലയാളികൾ ചർച്ചചെയ്യുന്നു. മലയാള സിനിമയിലെയും അന്യഭാഷ സിനിമകളിലെയും രാഷ്ട്രിയത്തെ കുറിച്ചും മനുഷ്യാവകാശങ്ങളെ കുറിച്ചും വാതോരാതെ സംസാരിക്കുന്ന നിങ്ങൾക്ക് എന്താണ് പറ്റിയത്. അവനെ നിങ്ങൾ അനുകുലിച്ചാലും ഇല്ലെങ്കിലും നിങ്ങളുടെ അഭിപ്രായത്തിനായി കേരളം കാത്തിരിക്കുന്നു എന്നാണ് ഹരീഷ് കുറിച്ചിരിക്കുന്നത്.

• യൂട്യൂബിലൂടെയാണ് പശ്ചാത്തലസംഗീതം നൽകാൻ പഠിച്ചതെന്ന് ശ്യാമപ്രസാദ് (അഭിമുഖം കാണാം)