Hareesh Peradi's Facebook Post That Remembers Media Trial Against Comrade Omanakkuttan
'ആക്രമിക്കപ്പെടുമ്പോൾ തകരുന്ന കുടുംബവും അഭിമാനവും മനസ്സുമുണ്ട്'; സഖാവ് ഓമനകുട്ടനെ ചൂണ്ടിക്കാട്ടി ഹരീഷ് പേരടി!
സൈബറാക്രമണത്തിൽ തൻ്റെ നിലപാട് തുറന്ന് പറഞ്ഞിരിക്കുകയാണ് ഹരീഷ് പേരടി ഇപ്പോൾ
Samayam Malayalam11 Aug 2020, 12:36 pm
നാടക വേദികളിൽ നിന്ന് മലയാള സിനിമയിലെക്കെത്തി തുടർന്ന് തെന്നിന്ത്യൻ സിനിമാ മേഖലയിൽ തന്നെ ശ്രദ്ധേയമായ സാന്നിധ്യമായി മാറിയ നടനാണ് ഹരീഷ് പേരടി. സോഷ്യൽ മീഡിയയിലും ഏറെ സജീവമാണ് ഹരീഷ്. സാമൂഹിക വിഷയങ്ങളിൽ കൃത്യമായ സമയത്ത് ഇടപെടൽ നടത്തുകയും അഭിപ്രായം തുറന്ന് പറയുകയും ചെയ്യാറുണ്ട്. ഇപ്പോഴിതാ നടൻ സൈബർ ആക്രമണങ്ങൾക്കെതിരെ രംഗത്തെത്തിയിരിക്കുകയാണ്. കഴിഞ്ഞ വർഷം പ്രളയ കാലത്ത് ദുരിതാശ്വാസ ക്യാമ്പിൽ പണപ്പിരിവ് നടത്തിയെന്ന ആക്ഷേപത്തെ തുടർന്ന് മാധ്യമ വിചാരണ നേരിട്ട സഖാവ് ഓമനകുട്ടനെ ചൂണ്ടിക്കാട്ടിക്കൊണ്ടാണ് ഹരീഷ് പേരടിയുടെ കുറിപ്പ്. സൈബറാക്രമണങ്ങളെ ശക്തമായി എതിർക്കുന്നെന്നും ആക്രമിക്കപ്പെടുമ്പോൾ തകരുന്ന കുടുംബവും അഭിമാനവും മനസ്സും എല്ലാ മനുഷ്യർക്കുമുണ്ടെന്നും ഹരീഷ് പേരടി കുറിച്ചിരിക്കുന്നു. കഴിഞ്ഞ ദിവസം മാധ്യമപ്രവർത്തകരെ കേന്ദ്രീകരിച്ച് അവരെ വ്യക്തിപരമായി അധിക്ഷേപിക്കുന്ന തരത്തിൽ സൈബറാക്രമണം രൂക്ഷമായിരുന്നു. ഇതിനെ തുടർന്നാണ് ഹരീഷ് പേരടി ഇക്കാര്യത്തിലെ തൻ്റെ നിലപാട് വ്യക്തമാക്കി രംഗത്തെത്തിയിരിക്കുന്നത്.
ഹരീഷ് പേരടിയുടെ കുറിപ്പിൻ്റെ പൂർണ്ണരൂപം ഇങ്ങനെയാണ്. 'മാധ്യമ ഗുണ്ടായിസത്തിന്റെ ജീവിക്കുന്ന രക്തസാക്ഷി, സഖാവ് ഓമനകുട്ടൻ. ഇങ്ങനെയുള്ള ഒരുപാട് മനുഷ്യർക്ക് ആക്രമിക്കപ്പെടുമ്പോൾ തകരുന്ന കുടുംബവും അഭിമാനവും മനസ്സും എല്ലാമുണ്ട്.'
ഒരോ മനുഷ്യനും സ്വയം ഒരു മാധ്യമമാവുന്ന സോഷ്യൽ മീഡിയാ കാലം
'ഒരോ മനുഷ്യനും സ്വയം ഒരു മാധ്യമമാവുന്ന ഈ സോഷ്യൽ മീഡിയാ കാലത്ത് വിവസ്ഥാപിത മാധ്യമങ്ങൾക്ക് പ്രസക്തി നഷട്ടപ്പെടുന്നത് ഒരു സാധാരണ കാര്യമാണ്.'
'യാഥാർത്ഥ്യങ്ങളോട് പൊരുത്തപ്പെട്ടാൽ'
'അതിൽ അസഹിഷുണത കാണിക്കാതെ മുഖ്യമന്ത്രി പറഞ്ഞതു പോലെ ആരോഗ്യപരമായ വിമർശനങ്ങളും വിലയിരത്തലുകളും സംവാദങ്ങളുമായി യാഥാർത്ഥ്യങ്ങളോട് പൊരുത്തപ്പെട്ടാൽ നിങ്ങളുടെ പ്രസക്തി ഇനിയും വർദ്ധിക്കും.'
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.