നടൻ അജു വർഗീസിനെതിരായ കേസ് റദ്ദാക്കി

കൊച്ചി: ആക്രമിക്കപ്പെട്ട യുവ നടിയുടെ പേര് ഫേസ്‌ബുക്കിലൂടെ വെളിപ്പെടുത്തിയ സംഭവത്തിൽ നടൻ അജു വർഗീസിനെതിരെ റജിസ്റ്റർ ചെയ്തിരുന്ന കേസ് ഹൈക്കോടതി റദ്ദാക്കി. നടനെതിരെ കളമശേരി പോലീസ് എടുത്ത കേസാണ് കോടതി റദ്ദാക്കിയത്.

അജു വർഗീസ് ഫേസ്‌ബുക്കിൽ തന്റെ പേര് പരാമർശിച്ച് പോസ്റ്റ് ചെയ്ത കുറിപ്പ് ദുരുദ്ദേശപരമല്ലെന്ന് നടി സത്യവാങ്‌മൂലം എഴുതി നൽകിയിരുന്നു. ഈ സത്യവാങ്‌മൂലം അജു വർഗീസ് കോടതിയിൽ സമർപ്പിച്ചു. അജുവിനെതിരായ കേസ് പിൻവലിക്കണമെന്നും നടി ആവശ്യപ്പെട്ടിരുന്നു. തനിക്കെതിരായ എഫ്‌ഐആർ റദ്ദ് ചെയ്യണമെന്ന് കാണിച്ച് അജു സമർപ്പിച്ച ഹർജിയോടൊപ്പമാണ് നടിയുടെ സത്യവാങ്‌മൂലവും സമർപ്പിച്ചത്. ജസ്റ്റിസ് സുനിൽ തോമസാണ് അജുവിനെതിരായ കേസ് പിൻവലിച്ചു കൊണ്ടുള്ള ഉത്തരവിട്ടത്.