തന്റെ വിവാഹത്തെക്കുറിച്ച് വ്യാജ വാർത്തകൾ പ്രചരിപ്പിക്കുന്നവർക്ക് ചുട്ട മറുപടിയുമായി തെന്നിന്ത്യന് നടി തമന്ന ഭാട്ടിയ രംഗത്ത്. കുറച്ച് ദിവസങ്ങൾക്ക് മുമ്പ് ക്രിക്കറ്റ് താരത്തെ തമന്ന വിവാഹം ചെയ്യാൻ ഒരുങ്ങുന്നു എന്ന തരത്തിൽ വാർത്തകൾ വന്നിരുന്നു. ട്വിറ്റർ പേജിലൂടെയാണ് താരം ഇതിന് മറുപടി നൽകിയിരിക്കുന്നത്.
ഒരു ദിവസം അതൊരു നടന്. പിറ്റേന്ന് അയാള് ക്രിക്കറ്റ് താരം. ഇപ്പോള് ഡോക്ടറാണ്. ഈ അപവാദ പ്രചരണങ്ങളെല്ലാം കാണുമ്പോള് ഞാന് ഭര്ത്താവിനെ കിട്ടാന് വെറിപിടിച്ച് നടക്കുകയാണെന്ന് തോന്നും. പ്രണയത്തിലാവുക എന്ന ആശയത്തോട് എനിക്ക് പൂര്ണമായി താല്പര്യമുണ്ടെങ്കിലും എന്റെ വ്യക്തിജീവിതത്തിലേക്ക് കടന്നുവരുന്ന അടിസ്ഥാനരഹിതമായ പ്രചരണങ്ങളെ ഒരിക്കലും ഞാന് പ്രോത്സാഹിപ്പിക്കാറില്ല. ഈ നിമിഷത്തില് സിംഗിളായി ജീവിക്കുന്നതില് ഞാന് അതീവ സന്തോഷവതിയാണ്. എന്റെ മാതാപിതാക്കള് വരനെ അന്വേഷിച്ച് അലയുകയല്ല. എനിക്കിപ്പോള് സിനിമയോട് മാത്രമാണ് പ്രണയം. തുടര്ച്ചയായ ഷൂട്ടിങ് തിരക്കുകളുമായി ഞാന് ജീവിച്ചു പോകുമ്പോള് എങ്ങനെയാണ് ഇത്തരത്തിലുള്ള പ്രചരണങ്ങള് ഉണ്ടാകുന്നത്. ഞാന് അത്ഭുതപ്പെടുകയാണ്. ഇത് തികച്ചും ദോഷകരവും അപമാനകരവുമാണ്. ഞാന് വിവാഹം കഴിക്കാന് ഉദ്ദേശിക്കുന്നുവെങ്കില് അത് ഞാന് തന്നെ തുറന്ന് പറയും. ഒരിക്കലും ഊഹാപോഹങ്ങള്ക്ക് വിടില്ല. ഒരിക്കല് കൂടി ഞാന് പറയുന്നു, എനിക്ക് വിവാഹം ആയിട്ടില്ല. ഈ അപവാദങ്ങളെല്ലാം ആരുടേയോ ഭാവനയാണ്