ഞാന് ബോള്ഡ് ആണ്, വീക്കും ആണ്
എനിക്ക് നല്ല ലീഡര്ഷിപ് ക്വാളിറ്റിയിണ്ട് എന്ന് എനിക്കറിയാം. ഞാന് ബോള്ഡ് ആണ്. പക്ഷെ അതേ സമയം വീക്കുമാണ്. അത് പറയാന് എനിയ്ക്ക് യാതൊരു മടിയും ഇല്ല.. സങ്കടം വന്നാല് കരഞ്ഞോളൂ, അത് നമ്മളെ കൂടുതല് സ്ട്രോങ് ആക്കും എന്ന് എന്റെ പപ്പ പറയും. വളരെ അധികം സെന്സിറ്റീവ് ആണ് ഞാന്. ലൊക്കേഷനില് ഇന്സള്ട്ട് ചെയ്യുന്നത് പോലുള്ള അനുഭവം ഒക്കെ വന്നാല് ഞാന് കരയും. കരഞ്ഞാല് മാത്രമേ എന്റെ പ്രശ്നങ്ങള് തീരു എന്ന് വിശ്വസിക്കുന്ന ആളാണ് ഞാന്. ആ കരച്ചില് കഴിഞ്ഞാല് ആ സംഭവത്തില് നിന്നും ഞാന് റിക്കവര് ആകും.
പല മോശം അനുഭവങ്ങളും ഉണ്ടായി
ഞാനൊരു പെണ്ണ് ആയതുകൊണ്ട് സിനിമയില് നിന്ന് പല പ്രശ്നങ്ങളും നേരിടേണ്ടി വന്നിട്ടുണ്ട്. നല്ല പച്ച തെറി കേട്ടിട്ടുണ്ട്. വിളിച്ചത് ഒരു പ്രമുഖ നടനാണ്. പടം ഏതാണ്ട് ഷൂട്ടിങ് പൂര്ത്തിയായിരുന്നു. അവസാനം ഒരു പാട്ട് ചിത്രീകരിക്കുന്നതിന് വേണ്ടി വിളിച്ചപ്പോള് വരാന് സൗകര്യമില്ല എന്ന് പറഞ്ഞു. ആ നടന്റെ അപേക്ഷ മാനിച്ചാണ് പാട്ടിന്റെ ഷൂട്ടിങ് നീട്ടി വച്ചിരുന്നത്. മൂഡില്ല പിന്നെ ഷൂട്ട് ചെയ്യാം എന്ന് പറഞ്ഞത് അനുസരിച്ചാണ് ആ ദിവസത്തേക്ക് മാറ്റിയത്. ഷൂട്ടിന് വേണ്ടി ലൊക്കേഷന് തീരുമാനിച്ചു, പൈസ കൊടുത്തു, ഫുള് ക്രു തിരുവനന്തപുരത്ത് നിന്ന് എറണാകുളത്ത് വന്നു.
തെറി വിളിച്ച ആളെ മാപ്പ് പറയിപ്പിച്ചു
അന്ന് രാത്രിയാണ് വിളിച്ച് എനിക്ക് നാളെയും സൗകര്യമില്ല എന്ന് പറഞ്ഞത്. അയ്യോ അങ്ങനെ പറയല്ലേ എന്ന് പറഞ്ഞപ്പോള് തെറിയായിരുന്നു പിന്നെ കേട്ടത്. നാളെ സംസാരിക്കാം എന്ന് പറഞ്ഞ് ഞാന് ഫോണ് വച്ചു. നിങ്ങള് എന്നോട് മാപ്പ് പറഞ്ഞെങ്കില് അല്ലാതെ ഈ സിനിമ മുന്നോട്ട് പോകില്ല എന്ന് ഞാന് പിറ്റേ ദിവസം അയാളോട് പറഞ്ഞു. ഈ സിനിമ റിലീസ് ചെയ്തില്ലെങ്കിലും, അത് കാരണം പൈസ മുഴുവന് നഷ്ടം വന്നാലും എനിക്ക് പ്രശ്നമില്ല. അല്ലെങ്കില് നിങ്ങള് ഇല്ലാതെ ഈ സിനിമ ഞാന് റിലീസ് ചെയ്യും. അല്ലെങ്കില് നിങ്ങളെന്നോട് മാപ്പ് പറയണം. അവസാനം വേറെ രക്ഷയില്ലാതെ അയാളെന്റെ കാലില് വീഴുന്നത് പോലെ തന്നെ മാപ്പ് പറഞ്ഞു
പുതുമുഖ സംവിധായകര്ക്ക് സംഭവിക്കുന്നത്
മിക്ക പുതുമുഖ സംവിധായകരുടെയും ആദ്യത്തെ സിനിമ അവരുടെ അനുഭവം തന്നെയായിരിയ്ക്കും. വളരെ മനോഹരമായി അവര്ക്ക് കഥ പറഞ്ഞ് ഫലിപ്പിയ്ക്കാന് സാധിയ്ക്കും. നിര്മാതാക്കള് എന്ന നിലയില് നമുക്കും കഥ ഇഷ്ടപ്പെടും. പക്ഷെ സെറ്റില് എത്തിയാല് അവര് ഭയക്കും. അങ്ങനെ സംഭവിച്ച ഒരുപാട് സന്ദര്ഭങ്ങളുണ്ട്. ഒരൊറ്റ രാത്രി കൊണ്ട് ഫുള് ക്രുവിനെ തന്നെ മാറ്റിയ സംഭവങ്ങളും ഉണ്ടായിരുന്നു- സാന്ദ്ര തോമസ് പറഞ്ഞു