നിങ്ങള്‍ കരുതുന്നത് പോലെ അല്ല
കാണുമ്പോള്‍ എല്ലാം പലരും ചോദിയ്ക്കും, വാപ്പയുമായി മമ്മൂട്ടിയ്ക്കും മോഹന്‍ലാലിനും എല്ലാം നല്ല ബന്ധമല്ലേ, അപ്പോള്‍ അവരുടെ മക്കളായ നിങ്ങളും ഒന്നിച്ച് വളര്‍ന്നവരായിരിക്കില്ലേ, സുഹൃത്തുക്കളായിരിക്കില്ലേ എന്ന്. എന്നാല്‍ നിങ്ങള്‍ കരുതുന്നത് പോലെ അല്ല. ഞങ്ങള്‍ തമ്മില്‍ വലിയ സൗഹൃദം ഇല്ല എന്നത് തന്നെയാണ് സത്യം.
ശ്രാവണുമായി ബന്ധമുണ്ട്
എന്നിരുന്നാലും ഇന്റസ്ട്രിയില്‍ ഏറ്റവും അടുപ്പം തോന്നിയത് മുകേഷ് അങ്കിളിന്റെ മകന്‍ ശ്രാവണും ആയിട്ടാണ്. ഞങ്ങള്‍ ഒരുമിച്ച് പഠിച്ചതാണ്. ഞാന്‍ നാലാം ക്ലാസില്‍ പഠിക്കുമ്പോഴാണ് എന്റെ സ്‌കൂളില്‍ ശ്രാവണ്‍ ജോയിന്‍ ചെയ്തത്. പ്ലസ് ടു വരെ ഞങ്ങള്‍ ഓന്നിച്ച് ഉണ്ടായിരുന്നു.
ദുല്‍ഖറും പ്രണവും
ദുല്‍ഖര്‍ സല്‍മാനെ ഞാന്‍ ആദ്യമായി കാണുന്നത് അദ്ദേഹത്തിന്റെ കല്യാണ റിസപ്ഷന് വച്ചിട്ടാണ്. അതിന് മുന്‍പ് കണ്ടിട്ടേയില്ല. സിസിഎല്ലിന്റെ ഒരു ഫുട്‌ബോള്‍ മാച്ചിന് ഇടയിലാണ് പ്രണവിനെ ആദ്യമായി കണ്ടത്. കണ്ടു അത്രമാത്രം, വലിയ കോണ്ടക്ട്‌സ് ഒന്നും തമ്മിലില്ല.
ലോകത്തെവിടെയും സിനിമ ചെയ്യാൻ സാധ്യതയുള്ള ആളാണ് റസൂൽ പൂക്കുട്ടി: ആസിഫ് അലി
ഗോകുലും കാളിദാസുമായുള്ള ബന്ധം
പിന്നെ അടുപ്പം സുരേഷ് ഗോപി അങ്കളിന്റെ മകന്‍ ഗോകുല്‍ സുരേഷും, ജയറാം അങ്കിളിന്റെ മകന്‍ കാളിദാസ് ചേട്ടനും ആയിട്ടാണ്. അതും ചെറുപ്പത്തിലുള്ള ബന്ധമല്ല. ഞങ്ങള്‍ ഒരു സിനിമയില്‍ ഒരുമിച്ച് അഭിനയിച്ചിട്ടുണ്ട്. ആ ഒരു ബന്ധമാണ്. അല്ലാതെ കുഞ്ഞുന്നാള്‍ മുതല്‍ ഒരുമിച്ച് കളിച്ചവരല്ല- ഷഹീന്‍ പറഞ്ഞു.