ഫാമിലി മാനിലൂടെ
ഫാമിലി മാന്‍ എന്ന വെബ് സീരിസീലൂടെയാണ് സമാന്ത റുത്ത് പ്രഭു ബോളിവുഡില്‍ അരങ്ങേറ്റം കുറിച്ചത്. രാജി എന്ന കഥാപാത്രത്തെ അവതരിപ്പിയ്ക്കുകയായിരുന്നില്ല, കഥാപാത്രമായി ജീവിയ്ക്കുകയായിരുന്നു സാം. ഫാമിലി മാനിന് ശേഷം സമാന്തയുടെ ബോളിവുഡ് പ്രവേശനം എപ്പോഴാണെന്ന ചോദ്യം നിരന്തരം ഉയര്‍ന്നു കൊണ്ടിരിയ്ക്കുകയാണ്.
വെബ് സീരീസിനെ കുറിച്ച്
ഒരു ബോളിവുഡ് വെബ് സീരീസ് ചെയ്യുന്നതിനെ കുറിച്ച് ഞാന്‍ ഒരിക്കലും ചിന്തിച്ചിരുന്നതേയില്ല എന്ന് സമാന്ത പറയുന്നു. നിഡിമോരുവിന്റെയും കൃഷ്ണ ഡി കെയുടെയും ഷോകള്‍ കണ്ട് ഞാന്‍ പറ്റില്ല എന്ന് ഒരിക്കലും പറയാതിരിക്കാന്‍ പഠിച്ചു. വെബ്‌സീരിസീന് കിട്ടിയ പ്രശംസകള്‍ ഞാന്‍ പ്രതീക്ഷിച്ചതിലും അപ്പുറമായിരുന്നു. പുതിയ വെല്ലുവിളികള്‍ ഏറ്റെടുക്കാനുള്ള ആത്മവിശ്വാസം അതെനിക്ക് നല്‍കി.
ബോളിവുഡിലേക്ക് ഉടന്‍ ഉണ്ടാവുമോ
ഞാന്‍ ഇപ്പോഴും എന്നെ തൃപ്തിപ്പെടുത്താത്ത തരത്തിലുള്ള തെറ്റായ തീരുമാനങ്ങള്‍ എടക്കാറുണ്ട്. എന്നാല്‍ കഴിഞ്ഞ രണ്ട് വര്‍ഷം കൊണ്ട് അതില്‍ ഒരുപാട് മാറ്റങ്ങള്‍ സംഭവിച്ചു. വെല്ലുവിളികള്‍ സ്വീകരിക്കാന്‍ എനിക്ക് ഇപ്പോള്‍ ആത്മവിശ്വാസമുണ്ട്. എന്നാല്‍ എല്ലാ പരീക്ഷണങ്ങളും ഞാന്‍ സ്വീകരിയ്ക്കില്ല, എന്താണ് നടക്കുന്നത് എന്ന് നോക്കും. മറ്റൊരു വെല്ലുവിളിയുള്ള തീരുമാനം എടുക്കാന്‍ സമയമെടുക്കും. അതുകൊണ്ടാണ് കരിയറില്‍ ഇത്രയും ദൂരമെത്താന്‍ എനിക്ക് ഇത്രയും സമയമെടുത്തത്- സമാന്ത പറഞ്ഞു.
തിരക്കിലാണ്
ഉറ്റ സുഹൃത്തിനൊപ്പം ഗോവയില്‍ ന്യൂ ഇയര്‍ ആഘോഷിക്കുക.ാണ് സമാന്ത റുത്ത് പ്രഭു. യശോദ എന്ന ചിത്രത്തിന്റെ ആദ്യ ഘട്ട ഷൂട്ടിങ് പൂര്‍ത്തിയാക്കിയ ശേഷമാണ് സമാന്ത അവധി ആഘോഷിക്കാന്‍ പോയത്. കാത്ത് വാക്കുല രണ്ട് കാതല്‍ ആണ് സമാന്ത അഭിനയിച്ചുകൊണ്ടിരിയ്ക്കുന്ന മറ്റൊരു ചിത്രം. ശാകുന്തളം എന്ന സിനിമുടെ ഷൂട്ടിങ് പൂര്‍ത്താക്കി. തമിഴിലും തെലുങ്കിലുമായി ചില സിനിമകളുടെ തിരക്കഥ ചര്‍ച്ചകള്‍ നടന്നുകൊണ്ടിരിയ്ക്കുകയാണ്.
