അസാധ്യമായ ആത്മവിശ്വാസമായിരുന്നു അവള്ക്ക്! നിന്നെ ഈ സിനിമയിലെടുത്തില്ലെങ്കില് എന്ത് ചെയ്യുമെന്ന് ചോദിച്ചപ്പോഴുള്ള മറുപടിയാണ് ഞെട്ടിച്ചത്! അനുശ്രീയെക്കുറിച്ച് ലാല് ജോസ്
തന്റെ ഗുരുവായ ലാല് ജോസിന്റെ പിന്തുണയെക്കുറിച്ച് നിരവധി തവണ അനുശ്രീ വാചാലയായിട്ടുണ്ട്. ദൈവത്തിനൊപ്പമുള്ള സ്ഥാനമാണ് അദ്ദേഹത്തിനും കൊടുത്തിട്ടുള്ളത്. എന്തെങ്കിലും പ്രശ്നമോ വിഷമമോ ഉണ്ടായാല് ആദ്യം വിളിക്കുന്നത് അദ്ദേഹത്തെയാണെന്നും അനുശ്രീ പറഞ്ഞിരുന്നു.
Samayam Malayalam 19 Aug 2022, 5:22 pm
നിരവധി നായികമാരെ സിനിമയില് പരിചയപ്പെടുത്തിയിട്ടുണ്ട് ലാല് ജോസ്. റിയാലിറ്റി ഷോയിലൂടെയായി തുടക്കം കുറിച്ച അനുശ്രീ ആദ്യമായി നായികയായത് ലാല് ജോസ് ചിത്രമായ ഡയമണ്ട് നെക്ലേസിലൂടെയായിരുന്നു. ലാല് ജോസിന്റെ പുതിയ സിനിമയായ സോളമന്റെ തേനീച്ചകള്ക്ക് ആശംസ അറിയിച്ച് അനുശ്രീയും എത്തിയിരുന്നു. എന്റെ ഹൃദയത്തില് വലിയൊരു പൊസിഷന് കൊടുത്തിട്ടുള്ളയാളാണ് അദ്ദേഹം. ഞാനെന്തെങ്കിലും ആയിട്ടുണ്ടെങ്കില് അതില് ഏറ്റവും കൂടുതല് പങ്കുള്ളയാള്. എന്റെ ദൈവത്തിനൊപ്പമായാണ് ഞാന് അദ്ദേഹത്തെ വെച്ചിട്ടുള്ളയാളാണ്. അദ്ദേഹത്തിന് വേണ്ടി ചെയ്യാന് പറ്റുന്ന എന്ത് കാര്യവും ഞാന് ചെയ്യും. അതെന്നും അങ്ങനെ തന്നെയായിരിക്കുമെന്നും അനുശ്രീ പറഞ്ഞിരുന്നു. ഞങ്ങളൊക്കെ ഇവിടത്തന്നെയുണ്ടെന്നും ഇനിയും ഒരുപാടുപേരെ കൊണ്ടുവരണ്ടെന്നും തമാശയായി അനുശ്രീ പറഞ്ഞിരുന്നു.
ഞങ്ങളെ പരിചയപ്പെടുത്തുമ്പോഴും ഇപ്പോളത്തെ കുട്ടികളുമായി പ്രവര്ത്തിക്കുമ്പോഴുള്ള വ്യത്യാസത്തെക്കുറിച്ചായിരുന്നു അനുശ്രീ ചോദിച്ചത്. ബിഹൈന്ഡ് വുഡ്സിന് നല്കിയ അഭിമുഖത്തിലായിരുന്നു ലാല് ജോസും സോളമന്റെ തേനീച്ചകള് താരങ്ങളും വിശേഷങ്ങളും പങ്കുവെച്ചത്. ഭയങ്കര ധൈര്യമുള്ള കുട്ടിയായിരുന്നു അനുശ്രീ. മണ്ടന് ധൈര്യമാണോ ശരിക്കുള്ള ധൈര്യമാണോ എന്ന് അന്നെനിക്ക് മനസിലായിട്ടില്ല. ഞാനുമായി ഇന്ററാക്റ്റ് ചെയ്യുന്നതായിരുന്നു ആ റിയാലിറ്റി ഷോയിലെ ആദ്യഭാഗം. ഒരു ഹവായ് ചെരിപ്പൊക്കെയിട്ട് വീട്ടില് നില്ക്കുന്നത് പോലെയാണ് വന്നത്. ബാക്കിയെല്ലാവരും മേക്കപ്പിലായിരുന്നു. ഞാന് നിന്നെ സെലക്റ്റ് ചെയ്തില്ലെങ്കില് എന്ത് ചെയ്യുമെന്നായിരുന്നു ഞാന് അവളോട് ചോദിച്ചത്. സാര് അല്ലെങ്കില് വേറൊരു സാര്, ഞാനെന്തായാലും സിനിമയില് വരും. ആ ഒരൊറ്റ മറുപടിയിലൂടെയാണ് അവള് ഇന് ആയത്.
അസാധ്യ സെന്സ് ഓഫ് ഹ്യൂമറുള്ളയാളാണ്. ഒരുപാട് പരിമിതികളൊക്കെയുള്ള സാഹചര്യങ്ങളില് നിന്നും വന്നതാണ്. ഒരുപാട് കാര്യങ്ങള് ഫേസ് ചെയ്യേണ്ടി വന്നിട്ടുണ്ട്. ഡയമണ്ട് നെക്ലേസിനായി ദുബായിലേക്ക് പോവുമ്പോള് അവളുടെ അമ്മ നോക്കാനാളില്ലാത്തതിനാല് പശുവിനെ കൊടുത്തിരുന്നു. അവര് അവിടെ ഗ്ലൂമിയായി ഇരിക്കുമായിരുന്നു. വിചിത്രമായ ജീവിതാനുഭവങ്ങളിലൂടെ കടന്നുവന്നവരാണ് വിജയിക്കുന്നത് എന്ന് തോന്നിയിട്ടുണ്ട്. എപ്പോഴും വിളിക്കാറൊന്നുമില്ലെങ്കിലും എന്തെങ്കിലും പ്രശ്നം വന്നാല് വിളിക്കാറുണ്ട് അവള്. ഒരേ പ്രതീക്ഷകളോടെയും സ്വപ്നങ്ങളോടയുമാണ് ഓരോരുത്തരും വന്നത്. എനിക്കാണ് അവരെക്കുറിച്ച് ഭയമെന്നുമായിരുന്നു ലാല് ജോസ് പറഞ്ഞത്.
ഞങ്ങളെ പരിചയപ്പെടുത്തുമ്പോഴും ഇപ്പോളത്തെ കുട്ടികളുമായി പ്രവര്ത്തിക്കുമ്പോഴുള്ള വ്യത്യാസത്തെക്കുറിച്ചായിരുന്നു അനുശ്രീ ചോദിച്ചത്. ബിഹൈന്ഡ് വുഡ്സിന് നല്കിയ അഭിമുഖത്തിലായിരുന്നു ലാല് ജോസും സോളമന്റെ തേനീച്ചകള് താരങ്ങളും വിശേഷങ്ങളും പങ്കുവെച്ചത്. ഭയങ്കര ധൈര്യമുള്ള കുട്ടിയായിരുന്നു അനുശ്രീ. മണ്ടന് ധൈര്യമാണോ ശരിക്കുള്ള ധൈര്യമാണോ എന്ന് അന്നെനിക്ക് മനസിലായിട്ടില്ല. ഞാനുമായി ഇന്ററാക്റ്റ് ചെയ്യുന്നതായിരുന്നു ആ റിയാലിറ്റി ഷോയിലെ ആദ്യഭാഗം. ഒരു ഹവായ് ചെരിപ്പൊക്കെയിട്ട് വീട്ടില് നില്ക്കുന്നത് പോലെയാണ് വന്നത്. ബാക്കിയെല്ലാവരും മേക്കപ്പിലായിരുന്നു. ഞാന് നിന്നെ സെലക്റ്റ് ചെയ്തില്ലെങ്കില് എന്ത് ചെയ്യുമെന്നായിരുന്നു ഞാന് അവളോട് ചോദിച്ചത്. സാര് അല്ലെങ്കില് വേറൊരു സാര്, ഞാനെന്തായാലും സിനിമയില് വരും. ആ ഒരൊറ്റ മറുപടിയിലൂടെയാണ് അവള് ഇന് ആയത്.
അസാധ്യ സെന്സ് ഓഫ് ഹ്യൂമറുള്ളയാളാണ്. ഒരുപാട് പരിമിതികളൊക്കെയുള്ള സാഹചര്യങ്ങളില് നിന്നും വന്നതാണ്. ഒരുപാട് കാര്യങ്ങള് ഫേസ് ചെയ്യേണ്ടി വന്നിട്ടുണ്ട്. ഡയമണ്ട് നെക്ലേസിനായി ദുബായിലേക്ക് പോവുമ്പോള് അവളുടെ അമ്മ നോക്കാനാളില്ലാത്തതിനാല് പശുവിനെ കൊടുത്തിരുന്നു. അവര് അവിടെ ഗ്ലൂമിയായി ഇരിക്കുമായിരുന്നു. വിചിത്രമായ ജീവിതാനുഭവങ്ങളിലൂടെ കടന്നുവന്നവരാണ് വിജയിക്കുന്നത് എന്ന് തോന്നിയിട്ടുണ്ട്. എപ്പോഴും വിളിക്കാറൊന്നുമില്ലെങ്കിലും എന്തെങ്കിലും പ്രശ്നം വന്നാല് വിളിക്കാറുണ്ട് അവള്. ഒരേ പ്രതീക്ഷകളോടെയും സ്വപ്നങ്ങളോടയുമാണ് ഓരോരുത്തരും വന്നത്. എനിക്കാണ് അവരെക്കുറിച്ച് ഭയമെന്നുമായിരുന്നു ലാല് ജോസ് പറഞ്ഞത്.