മിയ ഖലീഫ വന്നില്ലെങ്കിൽ സണ്ണി എത്തുമെന്ന് ഒമര്‍ ലുലു

ഒമര്‍ ലുലു ഒരുക്കിയ ക്യാമ്പസ് ചിത്രം 'ചങ്ക്സി'ന്‍റെ രണ്ടാം ഭാഗത്തിനായി പോണ്‍ താരം മിയ ഖലീഫ എത്തുമെന്ന വാര്‍ത്ത ആരാധകരിൽ നിറച്ച ആവേശത്തിന് അതിരില്ലായിരുന്നു. എന്നാൽ ആ ആ വേശ്തിന് അധികം ആയുസ്സുണ്ടായില്ല. താന്‍ ഒരു ഇന്ത്യന്‍ ചിത്രത്തിന്‍റെയും ഭാഗമാകുന്നില്ലെന്നും ഇക്കാര്യം ചിന്തിച്ചിട്ടില്ലെന്നും മിയ ഖലീഫ വ്യക്തമാക്കിയതോടെ ചൂടൻ വാര്‍ത്തകൾ ആറിത്തണുത്തു.

എന്നാൽ ആരാധകര്‍ക്ക് പുത്തനുണര്‍വ്വു പകരാൻ സംവിധായകൻ കച്ചകെട്ടിയിറങ്ങിയിരിക്കുകയാണ്. ഹണി റോസ് തന്നെ നായികയായി എത്തുന്ന ചിത്രത്തില്‍ മിയ ഖലീഫയ്ക്കായി നിശ്ചയിച്ചിരുന്ന വേഷം സണ്ണി ലിയോണ്‍ ചെയ്യുമെന്നാണ് ഒമര്‍ ഇപ്പോൾ വ്യക്തമാക്കിയിരിക്കുന്നത്. അടുത്തിടെ ഒരു പ്രമുഖ മാധ്യമത്തിന് നൽകിയ പ്രത്യേക അഭിമുഖത്തിലാണ് ഒമര്‍ ലുലു ഇക്കാര്യം പറഞ്ഞത്.



സണ്ണിലിയോണ്‍ അടുത്തിടെ കൊച്ചിയില്‍ എത്തിയപ്പോള്‍ വന്‍ ജനക്കൂട്ടം എത്തിയതാണ് ചങ്ക്സ് 2ന്‍റെ കഥയ്ക്ക് പ്രചോദനമായതെന്നും ഒമര്‍ വ്യക്തമാക്കി. ഒരു യുവനടിയെ നേരില്‍ കാണാന്‍ ഒരുപറ്റം യുവാക്കള്‍ എത്തുന്നതാണ് ചിത്രത്തിന്‍റെ പ്രമേയമെന്നും സംവിധായകൻ വെളിപ്പെടുത്തി.