മാതൃദിനത്തില്‍ ഐ എം വിജയൻ കുറിച്ച പൊള്ളുന്ന 'അമ്മയോർമ'

മാതൃദിനത്തില്‍ ഐ എം വിജയൻ കുറിച്ച അമ്മയെ കുറിച്ചുള്ള ഓർമക്കുറിപ്പ് വൈറലാകുന്നു. ഈ കുറിപ്പില്‍ അനുഭവത്തിന്‍റെ തീഷ്ണതയും ഒരു പക്ഷേ അതിനുമപ്പുറം പ്രതിഫലിക്കുന്നുണ്ടെന്നാണ് സാമൂദ്യ മാധ്യമ ഉപഭോക്താക്കൾ പറയുന്നു. തന്‍റെ ഫേസ്ബുക്ക് പേജിലാണ് ഫുട്‍‍ബോൾ ഇതിഹാസം ഐഎം വിജയൻ അമ്മയോര്‍മ പങ്കിട്ടത്. ഏവര്‍ക്കും മാതൃദിന ആശംസകൾ നേര്‍ന്നുകൊണ്ടാണ് ഐഎം വിജയൻ അമ്മയെ കുറിച്ചുള്ള കുറിപ്പ് അവസാനിപ്പിച്ചിരിക്കുന്നത്.

ഐഎം വിജയന്‍റെ ഫേസ്‍‍ബുക്ക് കുറിപ്പിന്‍റെ പൂര്‍ണരൂപം കാണാം

"സ്കൂളിൽ പഠിക്കുന്ന കാലം.
അമ്മ വീടുകൾതോറും കയറിയിറങ്ങി
കുപ്പിയും പാട്ടയുമൊക്കെ പെറുക്കി
പട്ടാളം മാർക്കറ്റിൽ കൊണ്ടുപോയി വിൽക്കും.
ആ വരുമാനം കൊണ്ടാണ് ജീവിതം.
ഉച്ചക്ക് തേക്കിൻകാട് മൈതാനത്തു 'അമ്മ ഇതെല്ലാം
കെട്ടിപ്പെറുക്കിയിരിക്കുന്നതുകാണാം.
എല്ലാം വിറ്റുഅമ്മയെത്താൻ രാത്രി എട്ടുമണിയാകും.
ഞാൻ അതുവരെ പാലസ് ഗ്രൗണ്ടിലും പരിസരത്തുമൊക്കെയായി
പന്തുകളി തന്നെയാണ്.
കളി കഴിഞ്ഞുപാട്ടുരായ്ക്കൽ ജംഗ്‌ഷനിലെ
കൃഷ്ണഭവൻ ഹോട്ടലിനു മുന്നിൽ ഞാൻ അമ്മയെ കാത്തിരിക്കും.
ക്ഷീണിച്ചു അവശയായി 'അമ്മ നടന്നു വരുന്നതു കാണാം.
അന്ന് പെറുക്കിയതെല്ലാം വിറ്റുകിട്ടിയ പണംകൊണ്ട്
എനിക്കും ചേട്ടനുംവാങ്ങിയ ഭക്ഷണപ്പൊതി ഒരു കൈയിൽ കാണും.
മറുകൈ പിടിച്ചു ഞാൻ, കാട് പിടിച്ചുവിജനമായ,
പാമ്പുകളിഴയുന്ന കോലോത്തുംപാടത്തെ ഓലപ്പുരയിലേക്കുനടക്കും."




IM Vijayans' Note on Mothers Day goe Viral

Football Player IM Vijayan's Mothers Day special Note goes Viral