സ്ത്രീകള് എന്തിന് വികാരങ്ങള് നിയന്ത്രിക്കണം
സിനിമയില് സ്ത്രീകള് കോണ്ടം വാങ്ങുന്നതിനെ കുറിച്ചുള്ള കളങ്കത്തെ അക്ഷരം ചോദ്യം ചെയ്യുന്ന രംഗമുണ്ട്. അതിനെ കുറിച്ച് ഒരു അഭിമുഖത്തില് അക്ഷര വിശദീകരിയ്ക്കുകയുണ്ടായി. സ്ത്രീകള് തങ്ങളുടെ ലൈംഗിക ആഗ്രഹങ്ങള് നിയന്ത്രിക്കണം എന്നാണ് സമൂഹത്തിന്റെ കാഴ്ചപ്പാട്. സ്ത്രീകളും മനുഷ്യരാണ്, എന്തിന് അവര് അവരുടെ വികാരങ്ങള് നിയന്ത്രിക്കണം എന്നാണ് അക്ഷര ചോദിയ്ക്കുന്നത്.
കോണ്ടം വാങ്ങുന്നതില് എന്താണ് തെറ്റ്
സുരക്ഷിതമായ ലൈംഗിക ബന്ധത്തില് ഏര്പ്പെടണം എന്ന് ആഗ്രഹിയ്ക്കുന്ന സ്ത്രീ കോണ്ടം വാങ്ങുന്നതില് ഒരു തെറ്റും ഇല്ല, സ്ത്രീകള്ക്ക് കോണ്ടം വാങ്ങാം എന്ന് അക്ഷര പറഞ്ഞു. യതഥാര്ത്ഥത്തില് കോണ്ടം അല്ല, സാനിറ്ററി നാപ്കിന് വാങ്ങുമ്പോള് പോലും സ്ത്രീകളെ അര്ത്ഥം വച്ച് നോക്കുന്ന സമൂഹമാണിത്.
മോശം കമന്റ് പറഞ്ഞാല്
ഇഷ്ടമുള്ള വസ്ത്രം ധരിച്ചതിന് കമന്റുകള് കേട്ട അവസ്ഥ അക്ഷരയ്ക്ക് ഉണ്ടത്രെ. ഷോട്സ് ഇട്ടപ്പോള് വിമര്ശിച്ച ആളോട്, തുണിയല്ലേ ഇട്ടിരിയ്ക്കുന്നത് ശരീരം ഭാഗം മറഞ്ഞിട്ടില്ലേ എന്ന് ഞാന് തിരിച്ചു പറഞ്ഞു. ശല്യം ചെയ്യുന്നത് എനിക്ക് ഇ,ഷ്ടമല്ല. അതിനോട് പ്രതികരിക്കാറുണ്ട് എന്നും അക്ഷര പറഞ്ഞു.
ഞാന് ആസ്വദിച്ച് ചെയ്ത സിനിമ
അച്ചം മാഡം നാണം പയിര്പ് എന്ന ചിത്രത്തില് പവിത്ര എന്ന കഥാപാത്രത്തെയാണ് അക്ഷര ഹസന് അവതരിപ്പിച്ചത്. ഈ സിനിമയുടെ ഭാഗമാകാന് കഴിഞ്ഞതില് വളരെ അധികം സന്തോഷമുണ്് എന്നും, ഒരുപാട് ആസ്വദിച്ചാണ് സിനിമ ചെയ്തത് എന്നും അക്ഷര പറഞ്ഞു