എന്തുകൊണ്ട് മഞ്ജു
മഞ്ജു വാര്യരെ കുറിച്ച് മാത്രം എന്താണ് ഇത്രയും സംസാരിക്കുന്നത്. എന്തുകൊണ്ടാണ് മഞ്ജു മറ്റുള്ളവരില് നിന്നും വ്യത്യസ്തയാവുന്നത്. ഒരു മരണ വീട്ടില് പോയാല് ഞാന് കരയും, നിങ്ങളും കരയും. പക്ഷെ ആ മരിച്ച ആളുടെ അടുത്ത ബന്ധു കരയുന്നത് പോലെ ഞാന് കരയേണ്ടതില്ല. ആ ഒരു തിരിച്ചറിവ് വളരെ വലുതാണ്.
മഞ്ജുവിന് അളവറിയാം
അവിടെ നമുക്ക് എന്താണ് റോള് എന്ന് മനസ്സിലാക്കി കരയുക എന്നതാണ് പ്രധാനം. അവിടെയാണ് മഞ്ജുവിന്റെ കഴിവ്. എവിടെയാണ് കറക്ട് അളവില് ഇട്ട് കൊടുക്കേണ്ടത് എന്ന് മഞ്ജുവിന് അറിയാം. അത് എല്ലാവര്ക്കും പറ്റുന്ന കാര്യമല്ല. മറ്റുള്ള നടിമാര് മോശമാണ് എന്ന അര്ത്ഥത്തിലല്ല ഞാന് പറയുന്നത്.
കാവ്യ മോശമല്ല
അഭിനയിക്കേണ്ട, കൊടുക്കേണ്ട അളവില് മഞ്ജുവിന് കൃത്യമായി കിട്ടുന്നുണ്ട്. മഞ്ജു പോലും അറിയാത്ത കാര്യമാവാം അത്. ദൈവികമായി കിട്ടുന്ന കാര്യമാണ്. എന്ന് കരുതി കാവ്യാ മാധവന് ആയാലും മോശമാണ് എന്നല്ല. എന്റെ കാലഘട്ടത്തില് എന്നെ വിസ്മയിപ്പിച്ചിട്ടുള്ള നടി മഞ്ജു വാര്യര് തന്നെയാണ്- ഇര്ഷാദ് പറഞ്ഞു.
മഞ്ജുവും ഇര്ഷാദും
കരിയറിന്റെ തുടക്കത്തില് മാത്രമാണ് ഇര്ഷാദ് മഞ്ജുവിനൊപ്പം അഭിനയിച്ചിട്ടുള്ളത്. കുടമാറ്റം, പ്രണയവര്ണങ്ങള് എന്നീ മഞ്ജു വാര്യര് ചിത്രങ്ങളില് ചെറിയ റോളുകളില് ഇര്ഷാദ് അഭിനയിച്ചിരുന്നു. എന്നാല് 2014 ല് മഞ്ജു വാര്യര് തിരിച്ച് വരവ് നടത്തിയതിന് ശേഷം വേട്ട എന്ന ചിത്രത്തില് മഞ്ജു വാര്യര്ക്കൊപ്പം ഇര്ഷാദ് അഭിനയിച്ചിട്ടുണ്ട്.