ഹൃത്വിക് റോഷനും സൂസെയ്നും വീണ്ടും വിവാഹിതരാകുന്നു?

ബോളിവു‍ഡിനെ ഒന്നാകെ ഞെട്ടിച്ചായിരുന്നു ഹൃത്വിക് റോഷനും സൂസെയ്ന്‍ ഖാനും പതിനാലു വർഷം നീണ്ട ദാമ്പത്യജീവിതത്തിന് വിരാമമ്മിട്ടത്. വിവാഹമോചിതരായിട്ടും മക്കളുടെ സന്തോഷത്തിനായി നല്ല സുഹൃത്തുക്കളായി തുടരുകയായിരുന്നു ഇരുവരും. ഇപ്പോഴിതാ ഹൃത്വികും സൂസെയ്നും വീണ്ടും വിവാഹിതരാകാൻ പോകുന്നു എന്ന വാർത്തയാണ് പ്രചരിക്കുന്നത്.

അടുത്തിടെ നടന്ന ചടങ്ങുകളിലെല്ലാം ഇരുവരേയും ഒരുമിച്ചു കണ്ടതാണ് ഇത്തരം ഒരു പ്രചരണം ഉണ്ടാവാന്‍ കാരണം. ഹൃത്വിക് പുതിയ ചിത്രത്തിന്‍റെ പ്രിവ്യൂ സുസെയ്നെ കാണിച്ചതും സൂസെയ്ന്‍ താരത്തെ അഭിനന്ദിച്ചതും വാര്‍ത്തകൾ സൃഷ്ടിച്ചിരുന്നു. ഹൃത്വിക്കിന് സൂസെയ്ന്‍ പിറന്നാള്‍ ആശംസിച്ചതും ആരാധകര്‍ ആഘോഷിച്ചിരുന്നു.

മക്കൾക്ക് വേണ്ടി അവധി ദിവസങ്ങളില്‍ ഇരുവരും ഒത്തു കൂടാറുള്ളതും യാത്ര ചെയ്യാറുള്ളതും പതിവാണ്. ദാമ്പത്യത്തിലുണ്ടായ തെറ്റുകുറ്റങ്ങൾ മനസിലാക്കി ഇരുവരും ഒരുമിക്കുന്നു എന്ന വാർത്തയാണ് ചില ദേശീയ മാധ്യമങ്ങൾ പുറത്തുവിട്ടിരിക്കുന്നത്.