ഇഷ്കിന്‍റെ ഷൂട്ടിങ്ങിനിടെ ഷെയ്ൻ തലകറങ്ങി വീണു; അന്ന് നടന്ന സംഭവത്തെകുറിച്ച് സംവിധായകൻ

ഈ വർഷം ആദ്യം പുറത്തിറങ്ങിയ 'ഇഷ്ക്' എന്ന സിനിമ നിരൂപക പ്രശംസയും പ്രേക്ഷക പ്രീതിയും ഒരുപോലെ നേടിയ സിനിമയാണ്. ഷെയ്ൻ നിഗവും ആൻ ശീതളുമായിരുന്നു ചിത്രത്തിൽ നായകനും നായികയുമായിരുന്നത്. സിനിമയുടെ ചിത്രീകരണത്തിനിടെയുണ്ടായ ഒരു സംഭവം ഫേസ്ബുക്കിലൂടെ വിവരിച്ചിരിക്കുകയാണ് 'ഇഷ്ക്' സംവിധായകനായ അനുരാജ് മനോഹര്‍.

2019 ജനുവരി 1ന് പുലര്‍ച്ചെ 12ന് ഷെയ്നിനെ ലേക്ക്ഷോർ ഹോസ്പിറ്റലിൽ അഡ്മിറ്റ് ചെയ്യേണ്ട അവസ്ഥവരെയുണ്ടായി. ഇഷ്കിന്‍റെ 50% ഷൂട്ട് ചെയ്തത് ലേക്ക്ഷോർ ഹോസ്പിറ്റൽ പാർക്കിങ്ങിലായിരുന്നു. 16 ദിവസം നീണ്ടു നിന്ന രാത്രി ഷൂട്ട്. വൈകുന്നേരം 6 മണിക്ക് തുടങ്ങുന്ന ഷൂട്ട് അവസാനിക്കുന്നത് രാവിലെ 6 മണിക്ക് സൂര്യൻ ഉദിക്കുമ്പോഴായിരുന്നു.

അങ്ങനെയൊരു സമയത്ത് ജാഫർ ഇക്കയും ഷൈൻ ചേട്ടനും ഇടം വലം തിരഞ്ഞ് സച്ചിയെ(ഷെയ്ൻ) ടോർച്ചർ ചെയ്യുന്ന രംഗം ചിത്രീകരിച്ചിരിക്കൊണ്ടിരിക്കുകയായിരുന്നു. ഷെയ്നിന്‍റെ ക്ലോസ് ഷോട്ടാണ് എടുക്കുന്നത്. ടോർച്ചറിന്‍റേയും ഉറക്ക ക്ഷീണത്തിന്‍റെയും ആധിക്യം കൊണ്ട് ഷെയ്ൻ തലകറങ്ങി വീണു.

ഷെയ്നന് ഉറക്കം ലഭിക്കാത്തതിനാലാണ് ഇത് സംഭവിച്ചത്, അവനുണ്ടെങ്കിലെ സിനിമ പൂർത്തിയാവുകയുള്ളൂ, ഇതോടെ സിനിമ അഞ്ച് ദിവസത്തേക്ക് ഷെഡ്യൂൾ പാക്ക് ചെയ്തു. ക്യാമറയ്ക്ക് പുറകിലുള്ളവരുടെ ആരോഗ്യം പ്രധാനമല്ല എന്നല്ല എന്നാലും സിനിമയുടെ മുഖം അഭിനേതാക്കളാണ് അവരുടെ കംഫര്‍ട്ടായ ഒരു പരിസരത്തിൽ മാത്രമേ അവർക്ക് നല്ല ഔട്ട്പുട്ട് ഉണ്ടാക്കാൻ പറ്റുകയുള്ളൂ എന്ന് വിശ്വസിക്കുന്ന ആളാണ് താൻ. അതാണ് ഒരു സംവിധായകനെ സംബന്ധിച്ച് പ്രധാനമായ കാര്യവുമെന്ന് അനുരാജ് ഫേസ്ബുക്കിൽ കുറിച്ചിരിക്കുകയാണ്.
'വലിയ പെരുന്നാൾ' സിനിമ തുടങ്ങുന്നതിന് മുൻപായിരുന്നു ഷെയ്ൻ ഇഷ്കിന്റെ കരാർ ഒപ്പിടുന്നത്.എന്നാൽ
'വലിയ പെരുന്നാൾ' നൂറ്റി മുപ്പത് ദിവസത്തോളം നീണ്ടതോടെ പ്ലാനുകൾ താളം തെറ്റിച്ചു..
ഇടയിൽ 'കുമ്പളങ്ങി നൈറ്റ്സ്‌' കയറിവന്നു(ആദ്യം കരാർ ഒപ്പിട്ട ചിത്രം) അങ്ങനെ ഷെയ്നിന് വേണ്ടി മാത്രം ഒമ്പത് മാസത്തോളം ‌കാത്തിരിക്കേണ്ട അവസ്ഥയുണ്ടായെന്ന് അനുരാജ് കുറിപ്പിൽ പറയുന്നു.

ഇഷ്കിൽ ജോയിൻ ചെയ്ത ദിവസം മുതൽ 34 ദിവസം വളരെ സൗഹാർദ്ദപരമായാണ് ഷെയിൻ ഇടപെട്ടത്.
ആദ്യത്തെ നാല് ദിവസം സംഗതി കുറച്ച് പ്രയാസകരമായിരുന്നു. എടുക്കുന്ന സീനുകളിൽ ഷെയിനിന് ആത്മവിശ്വാസം പോര എന്നു പറയുന്നു. റീടെക്കുകൾ കൂടുന്നു. നിരന്തരം സംശയങ്ങൾ ചോദിക്കുന്നു. ഇതോടെ ഒരു ടീം ഇടപെടലാണ് ഉണ്ടായത്. വളരെ കംഫര്‍ട്ടായി അവനെ കാര്യങ്ങൾ ബോധിപ്പിക്കാൻ തങ്ങൾക്കായെന്നും അനുരാജ് കുറിച്ചിരിക്കുകയാണ്.

കലാകാരന്മാരുടെ വ്യക്തി ശുദ്ധി പരിശോധിച്ച് ഓഡിറ്റ് ചെയ്യപ്പെടാതിരിക്കട്ടെ,അവരുടേതായ പെർഫോമൻസുകൾ ആഘോഷിക്കപ്പെട്ടട്ടെ ക്യാമറയ്ക്ക് മുൻപിൽ ജിൽ ജിൽ എന്നിരിക്കണം. ഇഷ്‌കിൽ അത് കാണാനുണ്ടെന്ന് വിശ്വസിക്കുന്നു, എന്ന് കുറിച്ചുകൊണ്ടാണ് അനുരാജ് കുറിപ്പ് അവസാനിപ്പിച്ചിരിക്കുന്നത്.

• സിനിമയ്ക്കായി ജോലി ഉപേക്ഷിച്ചു : Janaki Krishnan