വ്യാജപ്രചാരണം അവസാനിപ്പിക്കൂ
അമ്മ നല്‍കിയ കരുത്തില്‍ മാധവ് സുന്ദറിന്റെ സ്വപ്‌നം പൂവണിഞ്ഞു. ഹണിമൂണ്‍ ആഘോഷത്തിനിടെ ഗോപി സുന്ദറിനെ നടുക്കിയ കാഴ്ച എന്ന തലക്കെട്ടോടെയായിരുന്നു മാധവിനെക്കുറിച്ചുള്ള വ്യാജവാര്‍ത്ത പ്രചരിച്ചത്. ഇതുപോലെയുള്ള നോണ്‍സെന്‍സുകള്‍ പ്രചരിപ്പിക്കുന്നത് നിര്‍ത്തൂ. ഞാന്‍ ബൈക്ക് മേടിച്ചിട്ടില്ല. എന്റെ സുഹൃത്ത് വര്‍ക്ക് ചെയ്യുന്ന ഷോറൂമിലേക്ക് പോയിരുന്നുവെന്നുമായിരുന്നു മാധവ് ഇന്‍സ്റ്റഗ്രാമില്‍ കുറിച്ചത്. ബൈക്കോടിച്ച് നോക്കുന്നതിന്റെ ചിത്രങ്ങള്‍ കഴിഞ്ഞ ദിവസം പോസ്റ്റ് ചെയ്തിരുന്നു.
അമ്മയ്‌ക്കൊപ്പമുള്ള ഫോട്ടോ
അമ്മയ്ക്കും സഹോദരനുമൊപ്പമുള്ള ഫോട്ടോ കഴിഞ്ഞ ദിവസം മാധവ് പോസ്റ്റ് ചെയ്തിരുന്നു. അമ്മയെയാണ് ഞാനെപ്പോളും പിന്തുണയ്ക്കുന്നതെന്നും അച്ഛന്റെ മടങ്ങിവരവ് ഞങ്ങളൊരിക്കലും ആഗ്രഹിക്കുന്നില്ലെന്നും മുന്‍പ് മാധവ് വ്യക്തമാക്കിയിരുന്നു. അമ്മയാണ് ഞങ്ങള്‍ക്കെല്ലാം, അമ്മയോടാണ് ഞങ്ങള്‍ കാര്യങ്ങളെല്ലാം തുറന്നുപറയുന്നത്. ഒരുകുറവും വരുത്താതെയാണ് അമ്മ ഞങ്ങളെ നോക്കുന്നതെന്നും മാധവ് പറഞ്ഞിരുന്നു.
അച്ഛനെക്കുറിച്ച്
ജീവിതത്തിലൊരിക്കലും അച്ഛനെപ്പോലെയാവാന്‍ ആഗ്രഹിക്കുന്നില്ല. അച്ഛന്റെ ശീലങ്ങളൊന്നും പിന്തുടരാന്‍ ആഗ്രഹിക്കുന്നില്ല. അച്ഛനെക്കുറിച്ചുള്ള നല്ല ഓര്‍മ്മയെക്കുറിച്ച് ചോദിച്ചപ്പോള്‍ ഡ്രൈവിംഗ് ഇഷ്ടമായിരുന്നുവെന്നും കാറോടിക്കാന്‍ പഠിപ്പിച്ചത് അദ്ദേഹമാണെന്നുമായിരുന്നു മാധവ് പറഞ്ഞത്. ഏറെ ആഗ്രഹിച്ച കാര്യമായിരുന്നു കാറോടിക്കുക എന്നത്. അത് യാഥാര്‍ത്ഥ്യമായത് അദ്ദേഹത്തിലൂടെയാണെന്നും മുന്‍പ് മാധവ് പറഞ്ഞിരുന്നു.
വേര്‍പിരിയാതെ
ആദ്യഭാര്യ പ്രിയയില്‍ നിന്നും നിയമപരമായി വിവാഹമോചനം നേടാതെയാണ് ഗോപി സുന്ദര്‍ അഭയ ഹിരണ്‍മയിയുമായി ലിവിങ് റ്റുഗദര്‍ ജീവിതം നയിച്ചതെന്നുള്ള വിവരങ്ങളും പുറത്തുവന്നിരുന്നു. 9 വര്‍ഷത്തോളമായി ഇരുവരും ഒന്നിച്ചായിരുന്നു. അടുത്തിടെയായിരുന്നു ഗോപി സുന്ദര്‍ അമൃത സുരേഷിനെ ജീവിതത്തിലേക്ക് കൂടെക്കൂട്ടിയത്. വ്യക്തിജീവിതത്തെക്കുറിച്ച് പറഞ്ഞ് വിമര്‍ശിക്കുന്നവര്‍ക്ക് ഗോപി സുന്ദര്‍ ചുട്ടമറുപടി കൊടുത്തിരുന്നു.