സാരിയില്‍
കളര്‍ഫുളായ സാരിയും ചേരുന്ന ആഭരണങ്ങളും അണിഞ്ഞ് മനോഹരമായി ചിത്രങ്ങള്‍ക്ക് പോസ് ചെയ്തിരിക്കുകയാണ് അഭയ ഹിരണ്‍മയി. എല്ലാവര്‍ക്കും പുതുവര്‍ഷ ആശംസകള്‍, സമ്പല്‍ സമൃദ്ധിയുടേയും ഐശ്വര്യത്തിന്റേയും ചിങ്ങം ഒന്ന്, ഈ വര്‍ഷം മുഴുവന്‍ നിറയട്ടെ എന്ന ക്യാപ്ഷനോടെയായാണ് അഭയ ചിത്രങ്ങള്‍ പങ്കുവെച്ചത്. ശ്രീഗേഷ് വാസനാണ് മേക്കപ്പ് ചെയ്തത്. രാധാ വാസനാണ് കോസ്റ്റിയൂം ഒരുക്കിയത്. സ്‌നേഹ ശ്രീകുമാറുള്‍പ്പടെ നിരവധി പേരാണ് ചിത്രത്തിന് താഴെ കമന്റുകള്‍ പോസ്റ്റ് ചെയ്തിട്ടുള്ളത്.
സാരി പ്രേമം
സാരിയോട് പ്രത്യേകമായൊരു സ്‌നേഹമുണ്ടെന്ന് മുന്‍പ് അഭയ പറഞ്ഞിരുന്നു. മോഡേണ്‍ വേഷങ്ങളും നാടന്‍ ഗെറ്റപ്പുമെല്ലാം ഒരുപോലെ ചേരുന്നയാളാണ് അഭയ. മോഡലിംഗും ഫാഷനുമെല്ലാം ഇഷ്ടമാണ്. അമ്മയില്‍ നിന്നാണ് ഡിസൈനിംഗില്‍ താല്‍പര്യം വന്നത്. സ്‌പെഷല്‍ പരിപാടികള്‍ക്കും മറ്റുമായി കോസ്റ്റിയൂം ഡിസൈന്‍ ചെയ്യാറുണ്ട്. മനസിലെ ഡിസൈന്‍ അതേപോലെ തന്നെ പറഞ്ഞ് ചെയ്യിപ്പിക്കാറുണ്ട്. കഴുത്ത് ഇറക്കമുള്ള ബ്ലൗസ് ഇടാന്‍ തോന്നിയാല്‍ ഇടും. കാല് കാണിക്കാന്‍ തോന്നിയാല്‍ അതും ചെയ്യും. എന്റെ ഇഷ്ടങ്ങള്‍ നോക്കിയാണ് ഞാന്‍ ജീവിക്കുന്നതെന്ന് മുന്‍പ് അഭയ വ്യക്തമാക്കിയിരുന്നു.
വിമര്‍ശനങ്ങളെക്കുറിച്ച്
സോഷ്യല്‍മീഡിയയിലൂടെ പ്രചരിക്കുന്ന കാര്യങ്ങളെല്ലാം കാണാറുണ്ട്. ഞാന്‍ പ്രതികരിച്ചു എന്ന തരത്തില്‍ കൊടുക്കുന്ന കാര്യങ്ങള്‍ പോലും വ്യാജമാണ്. കാര്യങ്ങളെക്കുറിച്ച് കൃത്യമായി സംസാരിക്കാനും എഴുതാനുമുള്ള കഴിവുണ്ട്. പ്രതികരിക്കണമെന്ന് തോന്നിയാല്‍ അത് ചെയ്തിരിക്കുമെന്നും അഭയ പറഞ്ഞിരുന്നു. ഗോപി സുന്ദറുമായുള്ള ലിവിങ് റ്റുഗദര്‍ ബന്ധം പരസ്യമാക്കിയപ്പോള്‍ മുതല്‍ അഭയയ്‌ക്കെതിരെ രൂക്ഷവിമര്‍ശനങ്ങള്‍ ഉയര്‍ന്നിരുന്നു. അടുത്തിടെയായിരുന്നു അമൃത സുരേഷും ഗോപി സുന്ദറും ഒന്നിച്ചത്.
ആത്മവിശ്വാസത്തോടെ
എഞ്ചീനിയറിംഗ് പഠനത്തിനിടയിലായിരുന്നു അഭയ പാട്ടിലേക്ക് തിരിഞ്ഞത്്. നന്നായി പാടുന്നുണ്ടല്ലോ എന്ന് ചോദിച്ച് പാട്ടിലേക്ക് വഴിതിരിച്ച് വിട്ടത് ഗോപി സുന്ദറായിരുന്നുവെന്നും അഭയ പറഞ്ഞിരുന്നു. കരിയറിനെക്കുറിച്ചായാലും ജീവിതത്തെക്കുറിച്ചായാലും ധൈര്യത്തോട് തീരുമാനമെടുക്കാനായിരുന്നു വീട്ടുകാര്‍ പറഞ്ഞത്. സംഗീത കുടുംബത്തിലാണ് ജനിച്ചതെങ്കിലും അഭയ പാട്ട് കരിയറാക്കുന്നത് തുടക്കത്തില്‍ എതിര്‍ത്തവര്‍ പോലും പിന്നീട് അനുകൂലിക്കുകയായിരുന്നു. കരിയറില്‍ കൂടുതല്‍ ആത്മവിശ്വാസത്തോടെ മുന്നേറുകയാണ് അഭയ.
ആരാധകപിന്തുണ
വിമര്‍ശനങ്ങളൊക്കെ ഉണ്ടാവാറുണ്ടെങ്കിലും അഭയയെ ശക്തമായ പിന്തുണയ്ക്കുന്നവരുമുണ്ട്. ഈ ധൈര്യവും മുന്നേറ്റവുമാണ് എന്നും വേണ്ടതെന്നായിരുന്നു കമന്റുകള്‍. ഓണം ഫോട്ടോ ഷൂട്ട് വീഡിയോ പങ്കുവെച്ചപ്പോഴും ഇന്‍സ്റ്റഗ്രാമില്‍ വണ്‍മിനുട്ട് മ്യൂസിക് വീഡിയോ പങ്കുവെച്ചപ്പോഴുമെല്ലാം പിന്തുണയുമായി ആരാധകരെത്തിയിരുന്നു.