'ഞങ്ങളുടെ ജീവിതം മാറ്റിമറിച്ച ദിവസമാണ് ഒക്ടോബർ 8' എന്ന് ജിബിയും ജോജുവും

ഞങ്ങളുടെ ജീവിതം മാറി മറിഞ്ഞ ദിവസമാണ് ഒക്ടോബർ എട്ടെന്ന് 'ഇട്ടിമാണി മെയ്ഡ് ഇൻ ചൈന'യുടെ സംവിധായകരായ ജിബിയും ജോജുവും. 25 വർഷത്തെ കാത്തിരിപ്പിനും അദ്ധ്വാനത്തിനും ഞങ്ങള്‍ക്ക് ദൈവം അനുഗ്രഹിച്ച് തന്ന ദിവസമാണ് ഒക്ടോബർ 8. കഴിഞ്ഞ വർഷം ഇതേ ദിവസമാണ് ജീവിതത്തിലെ ഏറ്റവും വലിയ ദൈവാനുഗ്രഹം സംഭവിച്ചതെന്നും 'ഇട്ടിമാണി'യുടെ സംവിധായകരായ ജിബി ജോജു ഫേസ്ബുക്കിൽ കുറിച്ചിരിക്കുകയാണ്.

Also Read: സ്വന്തം കൈപ്പടയിലെഴുതിയ വിജയദശമി ആശംസകളുമായി മോഹൻലാൽ

ക്ലാപ്പ് അസിസ്റ്റന്‍റിൽ നിന്ന് തുടങ്ങിയ സിനിമാ ജീവിതം ഇന്നത്തെ സിനിമാ സംവിധായകർ എന്ന നിലയിലേക്ക് ദൈവം കൈ പിടിച്ച് ഉയർത്തിയ ദിവസമാണ് ഒക്ടോബര്‍ 8. സ്വതന്ത്ര്യ സംവിധായകർ ആകുക എന്നത് ഈ മേഖലയിലെ എല്ലാവരുടേയും ഏറ്റവും വലിയ ആഗ്രഹം ആയിരിക്കും.
പക്ഷെ കടമ്പകൾ ഏറെയാണ്, ഒരു നല്ല നിർമ്മാതാവിനെ കിട്ടണം നമ്മളെ വിശ്വസിച്ച് നല്ലൊരു താരം അവരുടെ ഡേറ്റ് തരണം നല്ലൊരു തിരക്കഥ വേണം, നല്ല രീതിക്ക് ഈ സിനിമ വിതരണം ചെയ്യാൻ പറ്റണം.

ഞങ്ങളുടെ അന്നത്തെ സാഹചര്യത്തിൽ ഒരു തിരക്കഥാകൃത്തിന് പണം നൽകി എഴുതിക്കുക എന്നത് ഒരു ബാലികേറാ മല ആയിരുന്നു. അതു കൊണ്ട് തന്നെ സിനിമാ മേഖലയിലെ ജോലി തിരക്കിനിടയിൽ കിട്ടുന്ന സമയം ഞങ്ങൾ തിരക്കഥ എഴുതാൻ മാറ്റിവെച്ചു. അങ്ങനെ ഇട്ടിമാണി യുടെ ഡ്രാഫ്റ്റ് ഞങ്ങൾ തയ്യാറാക്കി.

Also Read: ഇങ്ങനെയൊരു പോസ്റ്റർ ആദ്യം; കണ്ണ് നിറഞ്ഞുപോയെന്ന് കെപിഎസി ലളിത

ഇനി വേണ്ടത് നിർമ്മാതാവ് നല്ലൊരു താരം തുടങ്ങിയ വലിയ വലിയ കടമ്പകൾ ആണ്. അവിടെയാണ് ഞങ്ങളുടെ ഏറ്റവും വലിയ ദൈവാനുഗ്രഹം സംഭവിച്ച് മുന്തിരിവള്ളികൾ തളിർക്കുമ്പോൾ എന്ന ചിത്രത്തിന്‍റെ ജോലികൾ പുരോഗമിക്കുമ്പോൾ ഒരിക്കൽ മോഹൻലാൽ കഥ കേൾക്കാൻ അവസരം തന്നു. ഈ കഥയിലെ പ്രധാന ഘടകം 'അമ്മ' ആയതിനാൽ ആവാം അദ്ദേഹത്തിന് ഇത് ഇഷ്ടമായി.

Also Read: 'മാർഗ്ഗംകളിയും കഥകളിയുമൊക്കെ ചെയ്യുമ്പോള്‍ ഒരു സ്ത്രീയുടെ സ്പന്ദനങ്ങളാണ് പ്രവഹിച്ചത്': മോഹന്‍ലാല്‍

അദ്ദേഹത്തിന് വേണ്ടി ഒരു പാട് മിനുക്കുപണികൾ ഞങ്ങൾ സ്ക്രിപ്റ്റിൽ വരുത്തി. ശേഷം ഞങ്ങൾ വീണ്ടും ആന്‍റണി പെരുമ്പാവൂരിനെ സമീപിച്ചു. അദ്ദേഹത്തിനും കഥ ഇഷ്ടപ്പെട്ടു അങ്ങനെ തിരക്കഥയുടെ മിനുക്കു പണികൾ എല്ലാം തീർത്ത് ഞങ്ങൾ കാത്തിരുന്നു. കഴിഞ്ഞ വർഷം ഇതേ ദിവസം സാക്ഷാൽ ആന്‍റണി പെരുമ്പാവൂർ ഞങ്ങൾക്ക് വാക്കു തന്നു, " ഇത് നമ്മൾ ചെയ്യുന്നു മക്കളെ " എന്നായിരുന്നു അദ്ദേഹം പറഞ്ഞത്.

പിന്നെ ഒരു പുതുമുഖ സംവിധായകർക്ക് സ്വപ്നം പോലും കാണാൻ പറ്റാത്ത അംഗികാരം. ആശീർവാദ് സിനിമാസ്- മോഹൻലാൽ - ആന്‍റെണി പെരുമ്പാവൂർ അവിടെ ഇട്ടിമാണി മെയ്ഡ് ഇൻ ചൈന എന്ന ചിത്രം ജനിക്കുന്നു, ഞങ്ങളുടെ ഹൃദ്ധയം നിറഞ്ഞ നന്ദി ലാലേട്ടാ ആന്‍റണി ചേട്ടൻ ആശിർവാദ് സിനിമാസ്, എന്നു പറഞ്ഞാണ് ജിബി ജോജു ഫേസ്ബുക്കിൽ കുറിപ്പ് പങ്കുവെച്ചിരിക്കുന്നത്.