അപകടത്തിനുശേഷം ജഗതിയുടെ ആദ്യ ദുബായ് യാത്ര

മലയാളികൾക്ക് എന്നും ഓർത്തോർത്ത് ചിരിക്കാൻ നിരവധി കഥാപാത്രങ്ങളെ സമ്മാനിച്ച ചലച്ചിത്ര നടൻ ജഗതി ശ്രീകുമാർ ദുബായിലെത്തി. വർഷങ്ങൾക്ക് മുൻപുണ്ടായ അപകടത്തിന് ശേഷം ആദ്യമായാണ് ജഗതി ദുബായിൽ എത്തിയിരിക്കുന്നത്. പ്രിയ നടനെ ഒരുനോക്ക് കാണാനും സ്വീകരിക്കാനും നിരവധി പേർ ദുബായ് രാജ്യാന്തര വിമാനത്താവളത്തിൽ എത്തിച്ചേർന്നിരുന്നു.

മാപ്പിളപ്പാട്ട് പരിപാടിയിൽ മുഖ്യാതിഥിയായി ക്ഷണം സ്വീകരിച്ചാണ് ജഗതി എത്തിയത്. ബുധനാഴ്ച രാവിലെ ആറു മണിക്കായിരുന്നു ജഗതിയും കുടുംബവും ദുബായിൽ എത്തിച്ചേർന്നത്. ഭാര്യ ശോഭ, മക്കളായ പാര്‍വതി, പിങ്കി, രാജ് കുമാര്‍, മരുമകന്‍ ഷോണ്‍, കൊച്ചുമക്കളും എന്നിവരും ജഗതിക്കൊപ്പമുണ്ട്.

അച്ഛനെ വളരെയേറെ സ്നേഹിക്കുന്ന പ്രവാസി മലയാളികളെ കാണാൻ വളരെ സന്തോഷമുണ്ടെന്ന് ജഗതിയുടെ മക്കൾ പറഞ്ഞു. ദുബായ് യാത്ര അച്ഛൻ വലിയ മാനസിക ഉല്ലാസവും നൽകുമെന്നും അവർ കൂട്ടിച്ചേർത്തു.

Jagathi Sreekumar In Dubai

Jagathi sreekumar visited Dubai after a short break caused by his accident.