തമിഴിൽ അരങ്ങേറി ജയം രവിയുടെ മകൻ ആരവ്

തമിഴകത്ത് അരങ്ങേറ്റം കുറിച്ച് ജയം രവിയുടെ മകൻ ആരവ്. ജയം രവി നായകനായകുന്ന 'ടിക് ടിക് ടിക്' എന്ന ചിത്രത്തിലൂടെയാണ് ആരവ് സിനിമയിൽ എത്തിയിരിക്കുന്നത്. ആരവിന്‍റെ അഭിനയം അണിയറ പ്രവർത്തകരെ അമ്പരപ്പിച്ചുവെന്നാണ് അറിയുന്നത്. ഇപ്പോഴിതാ സ്വയം ഡബ്ബ് ചെയ്തും അതിശയിപ്പിച്ചിരിക്കുന്നു ആരവ്. ജയം രവിയാണ് ആരവ് ടബ്ബ് ചെയ്യുന്ന ചിത്രം ട്വിറ്ററിലൂടെ പങ്കുവച്ചത്.



ഇന്ത്യയിലെ തന്നെ ആദ്യത്തെ ബഹിരാകാശ ചിത്രം എന്ന റെക്കോർഡ് സ്വന്തമാക്കിയ ചിത്രമാണ് ടിക് ടിക് ടിക്. ശക്തി സുന്ദർ രാജനാണ് ചിത്രം സംവിധാനം ചെയ്തിരിക്കുന്നത്. ജയം രവിക്ക് പുറമെ രമേഷ് തിലക്, ആരോൺ അസീസ്, നിവേദ പെതുരാജ് തുടങ്ങിയവരും ചിത്രത്തിൽ പ്രധാന വേഷങ്ങൾ അവതരിപ്പിക്കുന്നുണ്ട്. ചിത്രം ജനുവരി 26 ന് തിയേറ്ററുകളിലെത്തും.