രണ്ടുകല്യാണവും ഒരുമിച്ചുനടത്തണം എന്നായിരുന്നു; മോളോട് സായിപ്പിനെ നോക്കാൻ പറഞ്ഞതാണ് പക്ഷേ.. ചിരിപടർത്തി ജയറാം!

മലയാളികള്‍ ഏറെ ഇഷ്ടപ്പെടുന്ന താര ദമ്പതികളാണ് ജയറാമും പാര്‍വതിയും. സിനിമയില്‍ സജീവമായിരുന്ന സമയത്താണ് ഇരുവരും വിവാഹിതരായത്. ശേഷം പാർ‍വതി അഭിനയം നിർത്തിയെങ്കിലും ജയറാം ഇപ്പോഴും സിനിമയിൽ സജീവമാണ്.

28 വര്‍ഷങ്ങള്‍ക്ക് മുൻപ് 1992 സെപ്റ്റംബര്‍ ഏഴിനായിരുന്നു ഇരുവരുടെയും വിവാഹം. ശേഷം മകൻ അഭിനയരംഗത്തേക്ക് എത്തി എങ്കിലും മകളും, പാർവതിയും അഭിനയത്തിൽ സജീവം ആയില്ല. പൊതു ചടങ്ങുകളിൽ കുടുംബം പങ്കെടുക്കുന്ന വീഡിയോസ് മിക്കപ്പോഴും സോഷ്യൽ മീഡിയയിൽ എത്താറുണ്ട്.

കഴിഞ്ഞദിവസം ജയറാം സംബന്ധിച്ച ഒരു വിവാഹച്ചടങിന്റെ ദൃശ്യങ്ങൾ ആണ് ഇപ്പോൾ വൈറലായി മാറുന്നത്. ആനിയും നടി സോനാ നായരും പാർവതിയെ തിരക്കുന്നതും അമ്മായിഅച്ഛൻ ആകാൻ പോകുകയാണ് അല്ലെ എന്ന് ചോദിക്കുന്ന സീൻ ആണ് ഇപ്പോൾ സമൂഹ മാധ്യമങ്ങളിൽ നിറയുന്നത്.

അമ്മായിച്ഛൻ ആകാൻ പോകുന്നു. രണ്ടു വിവാഹങ്ങളും ഒരുമിച്ചു നടത്തണം എന്നായിരുന്നു എന്ന് ജയറാം പറയുമ്പോൾ ചിലവ് ചുരുക്കാൻ ആണോ എന്ന് ആനി ചോദിക്കുന്നുണ്ട്. ചിരിച്ചുകൊണ്ടാണ് ജയറാം പിന്നീട് സംസാരിക്കുന്നത്, മോൾ പിന്നെയും ഒരു കോഴ്സ് പഠിക്കാൻ ഇംഗ്ലണ്ടിൽ പോയി. ഒരു സായിപ്പിനെ എങ്കിലും പിടിച്ചു കൊണ്ട് വരാൻ ആണ് ഞാൻ പറഞ്ഞത്- ജയറാം പറയുന്നു.


എന്നാൽ അപ്പാ നമ്മളെക്കാളും ദാരിദ്ര്യം പിടിച്ച ആളുകൾ ആണ് സായിപ്പന്മാർ എന്നാണ് മോള് പറഞ്ഞത്. ജീവിക്കാൻ നിവൃത്തിയില്ലാതെയാണ് സായിപ്പന്മാർ നടക്കുന്നത് എന്നാണ് മോൾ പറഞ്ഞത്. വിളിച്ചാൽ അപ്പോ വരാൻ റെഡിയാണ് അവർ എന്നാണ് അവളുടെ അഭിപ്രായം- ജയറാം പറഞ്ഞുനിർത്തുമ്പോൾ നല്ല മരുമകൾ സുന്ദരിയാണ് എന്നും ആനി ജയറാമിനോടായി പറയുന്നുണ്ട്.