തനിക്കാദ്യമായി പ്രതിഫലം തന്ന ഗുരുവിനെ കുറിച്ച് ജയസൂര്യ

സലിം കുമാർ സംവിധാനവും രചനയും നിർവഹിച്ചിരിക്കുന്ന ചിത്രം 'കറുത്ത ജൂതൻ' ആഗസ്ത് 18 ന് തിയേറ്ററുകളിലെത്തുകയാണ്. ഈ അവസരത്തിൽ സലിം കുമാറുമായുള്ള ബന്ധത്തെ കുറിച്ച് ആരാധകരുമായി ചില കാര്യങ്ങൾ പങ്കുവെച്ചിരിക്കുകയാണ് ജയസൂര്യ.

സലീമേട്ടനുമായുള്ള ബന്ധത്തെ കുറിച്ച് പറയണമെങ്കിൽ തനിക്ക് ഒരുപാട് പറയാനുണ്ടെന്ന് എന്ന് പറഞ്ഞാണ് ജയസൂര്യയുടെ ഫേസ്ബുക്ക് പോസ്റ്റ് ആരംഭിക്കുന്നത്. തനിക്ക് ആദ്യമായി മിമിക്രിക്ക് 35 രൂപ പ്രതിഫലം തന്ന തന്‍റെ ആദ്യ ഗുരുവാണ് സലീമേട്ടൻ. ആ മിമിക്രിക്കാരനിൽ നിന്ന് സലിമേട്ടൻ മികച്ച നടനുള്ള ദേശീയ പുരസ്കാരം വാങ്ങി. ഇന്നിതാ ''കറുത്ത ജൂതൻ" എന്ന സിനിമയക്ക് കഥയും, തിരക്കഥയും, സംഭാഷണവും, രചിച്ച് അത് സംവിധാനവും ചെയ്തിരിയ്ക്കുന്നു. സലീമേട്ടോ...അഭിമാനമുണ്ട്.

പോസ്റ്റിന്‍റെ പൂർണ രൂപത്തിലേക്ക്.....

സലീമേട്ടനുമായുള്ള ബന്ധത്തെ കുറിച്ച് ഒരുപാട് പറയാനുണ്ട്.. ഈ ഫ്ളാഷ് ബാക്കുകൾ എന്നും ഒരു lag ആയതു കൊണ്ട് അത്രയും പറയുന്നില്ല. എന്തായാലും ഞാൻ അടുത്ത് പരിചയപ്പെട്ട ,എനിക്ക് ആദ്യമായി മിമിക്രിക്ക് 35 രൂപ പ്രതിഫലം തന്ന എന്‍റെ ആദ്യ ഗുരു.ആ മിമിക്രിക്കാരനിൽ നിന്ന് സലിമേട്ടൻ മികച്ച നടനുള്ള national award വാങ്ങി. ഇന്നിതാ ''കറുത്ത ജൂതൻ" എന്ന സിനിമയക്ക് കഥയും, തിരക്കഥയും, സംഭാഷണവും, രചിച്ച് അത് സംവിധാനവും ചെയ്തിരിയ്ക്കുന്നു. ഈ വർഷത്തെ നല്ല കഥയ്ക്കുള്ള kerala state-അവാർഡും ഈ ചിത്രത്തിന് തന്നെ .അഭിമാനം തോന്നുന്നു സലീമേട്ടോ.... ഈ മാസം 18 ന് റിലീസ് ചെയ്യാൻ പോകുന്ന "കറുത്ത ജൂതന്" വേണ്ടി ഞങ്ങൾ കാത്തിരിക്കുന്നു. ഇനിയും ഇതുപോലെയുള്ള മികച്ച ചിത്രങ്ങൾ സലീമേട്ടന് സംവിധാനം ചെയ്യാൻ കഴിയട്ടെ എന്ന്, അതിൽ എല്ലാം നായകനായി അഭിനിയക്കാൻ പോകുന്ന സലീമേട്ടന്‍റെ സ്വന്തം ജയസൂര്യ.



Jayasurya's Facebook Post about Salim Kumar

Jayasurya shared some memories with Salim Kumar through Facebook.