നമ്മുടെ മാതാപിതാക്കൾ നമ്മുടെ മക്കളാകുമ്പോൾ! കുട്ടികളായിരുന്നപ്പോൾ അവർ നമ്മളോട് പെരുമാറിയതുപോലെ പെരുമാറൂ; ജ്യൂവല്‍

ഡി ഫോര്‍ ഡാന്‍സ് എന്ന റിയാലിറ്റി ഷോയിലൂടെ ശ്രദ്ധേയായ താരമാണ് ജ്യൂവല്‍ മേരി. അവതാരക എന്നതിലുപരി മികച്ച ഒരു നടി കൂടിയാണ് താരം. പത്തേമാരി എന്ന ചിത്രത്തില്‍ മമ്മൂട്ടിയുടെ നായികയായി കിടിലൻ പ്രകടനം ആണ് ജ്യൂവല്‍ മേരി കാഴ്ചവച്ചത് .

സിനിമയില്‍ അവസരം ലഭിച്ചതോടെയാണ് ജ്യൂവല്‍ ഡി ഫോര്‍ ഡാന്‍സിന്റെ രണ്ടാം സീസണില്‍ നിന്ന് ഒഴിവായത്. ഇപ്പോഴും മിനി സ്‌ക്രീനിൽ സജീവമായ താരം സോഷ്യൽ മീഡിയയിലും ആക്ടീവാണ്. കഴിഞ്ഞദിവസം താരം പങ്കിട്ട ഒരു പോസ്റ്റും വീഡിയോയും ആണ് ഇപ്പോൾ വൈറലായി മാറുന്നത്.

തന്റെ അപ്പന്റെ ഏറെ നാളത്തെ ആഗ്രഹം സാധിച്ചു നൽകി. രണ്ട് ആഗ്രഹങ്ങൾ ആയിരുന്നു അദ്ദേഹത്തിന് എന്നും അത് രണ്ടും സാധിച്ചു നൽകി എന്നും ജ്യൂവല്‍ പങ്കിട്ട പോസ്റ്റിലൂടെ പറയുന്നു. ടാറ്റൂ അടിക്കാനും, കാതുകുത്താനുമുള്ള ആഗ്രഹം ആണ് താരം സാധിച്ചു നൽകിയത്.

ജ്യൂവലിന്റെ വാക്കുകൾ.


കുറെ നാളു മുൻപ് അപ്പൻ എന്നോട് പറഞ്ഞു എനിക്ക് 2 ആഗ്രഹങ്ങൾ ഉണ്ട് , ഒന്ന് ഒരു ടാറ്റൂ അടിക്കണം , രണ്ടാമതായി ഒരു കാത്‌ കുത്തണം ! മറ്റുള്ളവർ എന്ത് വിചാരിക്കും എന്ന പേടിക്ക് മേലെ ഒരിക്കൽ പറഞ്ഞിട്ട് പിന്നെ മിണ്ടിയിട്ട് ഇല്ല ! പക്ഷെ ഞാൻ മറന്നില്ല ! കിട്ടിയ ചാൻസ് നു ഓരോന്ന് വീതം സാധിച്ചു കൊടുത്തു നമ്മുടെ മാതാപിതാക്കൾ നമ്മുടെ മക്കളാകുമ്പോൾ! കുട്ടികളായിരുന്നപ്പോൾ അവർ നമ്മളോട് പെരുമാറിയതുപോലെ അവരോട് പെരുമാറൂ എന്നാണ് ജ്യൂവല്‍ മേരി പോസ്റ്റിലൂടെ പറയുന്നത്.

അടുത്തിടെ ആയിരുന്നു ജ്യൂവലിന്റെ സഹോദരന്റെ വിവാഹം നടന്നത്. വിവാഹത്തിന് ഓടി നടന്നു കാര്യങ്ങൾ ചെയ്യുന്ന നടിയുടെ വീഡിയോ സമീപകാലത്ത് സോഷ്യൽ മീഡിയയിൽ വൈറൽ ആയിരുന്നു.

ആസിഫ് അലി, സൈജു കുറിപ്പ് ഒക്കെ അഭിനയിക്കുന്ന രഞ്ജിത്ത് സിനിമ ആണ് ഏറ്റവും ഒടുവിലായി ജ്യൂവൽ അഭിനയിച്ച സിനിമ. പടം ഉടനെ തീയേറ്ററിലേക്ക് എത്തും. അവസാന ഷെഡ്യൂൾ ഞങ്ങൾ പൂർത്തിയാക്കി. നിങ്ങളുടെ പ്രാർത്ഥനയും, പിന്തുണയും എന്റെ ഒപ്പം ഉണ്ടാകണം എന്നും ജ്യൂവല്‍ അടുത്തിടെ മാധ്യമങ്ങളോട് പറഞ്ഞിരുന്നു. അനുജന്റെ വിവാഹദിവസം ജ്യൂവല്‍ മേരിയുടെ ഫുൾ എനർജിയിലുള്ള ഡാൻസും സോഷ്യൽ മീഡിയയിൽ വൈറൽ ആയിരുന്നു.