ജോണ്‍ എബ്രഹാമിനൊപ്പം ഡേറ്റ് ചെയ്ത നാളുകൾ, വെളിപ്പെടുത്തലുമായി ബിപാഷ

ആരിലും അസൂയ ജനിപ്പിക്കുന്ന വിധം എക്കാലത്തെയും മികച്ച പ്രണയ ജോഡികളായിരുന്നു ജോണ്‍ എബ്രഹാമും ബിപാഷ ബസുവും. ജീവിതത്തിൽ ഇരുവരും ഒന്നിക്കുമെന്നായിരുന്നു ഏവരും കരുതിയിരുന്നത്. എന്നാൽ പ്രതീക്ഷയ്ക്ക് വിപരീതമായി ഇരുവരും വേർപിരിഞ്ഞു. ബിപാഷ കരൺ സിംഗ് ഗ്രോവറിനെയാണ് വിവാഹം കഴിച്ചത്. ജോൺ എബ്രഹാം പ്രിയയെയും വിവാഹം കഴിച്ചു. ജോൺ എബ്രഹാമുമായി ഉണ്ടായിരുന്ന ബന്ധത്തെ കുറിച്ച് വെളിപ്പെടുത്തിയിരിക്കുകയാണ് ബിപാഷ. ഒരു അഭിമുഖത്തിലാണ് താരം മനസ് തുറന്നത്.

ജോണുമായുള്ള ബന്ധം ഒരിക്കലും അവസാനിക്കരുതെ എന്ന് താൻ ഒരുപാട് ആഗ്രഹിച്ചിരുന്നു. ഏറ്റവും കൂടുതൽ ഡേറ്റ് ചെയ്തിരിക്കുന്നതും ജോണിനൊപ്പമാണ്. അതിനുള്ള എല്ലാ ക്രെഡിറ്റും ജോണിനുള്ളതാണ്. വിവാഹത്തിന് മുൻപ് നിരവധി ആൺ സുഹൃത്തുക്കൾ ഉണ്ടായിരുന്നു. അന്നോക്കെ ഒരു പതിനാറുകാരിയാണ് താൻ എന്നെ തോന്നിയിരുന്നുള്ളൂ. ശ്രദ്ധിക്കപ്പെടാതിരുന്നപ്പോൾ പേടിയും നാണക്കേടും തോന്നിയിരുന്നു. ആരുടെ മുന്നിലും താൻ ശ്രദ്ധിക്കുപ്പെട്ടിരുന്നില്ലെങ്കിൽ അത് തന്നിൽ അപകർഷതാ ബോധമുണ്ടാക്കിയിരുന്നു.

ജോണുമായുള്ള ബന്ധം അവസാനിച്ചതിന് ശേഷം ഡേറ്റിങിനായി നിരവധിപേർ തന്നിൽ സമ്മർദ്ദം ചെലുത്തിയിരുന്നു. അപ്പോഴൊക്കെ സുഹൃത്തുക്കളായിരുന്നു പൂർണ പിന്തുണ നൽകിയിരുന്നത്. പ്രണയ ബന്ധങ്ങൾ തകരുന്നത് സർവ്വ സാധാരണമാണ്. എന്നാൽ ബോളിവുഡിൽ പ്രണയവും പ്രണയനൈരാശ്യവും പുതുമയല്ലെന്നാണ് ബിപാഷ പറയുന്നത്. പ്രണയ തകർച്ചയ്ക്ക് ശേഷം ആ വ്യക്തിയുമായി സുഹൃത്ത് ബന്ധം തുടരുക എന്നതും തന്നെ സംബന്ധിച്ചിടത്തോളം അസാധ്യമാണെന്നാണ് ബിപാഷ വ്യക്തമാക്കി.

ജോൺ എബ്രഹാമുമായുള്ള ബന്ധത്തെ കുറിച്ച് ബിപാഷയുടെ വെളിപ്പെടുത്തലിനെ തുടർന്ന് ജോണിന്‍റെ പ്രതികരണത്തിനായി കാതോർക്കുകയാണ് ആരാധകർ.

John Abraham and Bipasha Basu break-up

In a recent interview Bipasha talks about her relation with John Abraham.