ഏറ്റവും വലിയ ത്യാഗം
ഈ ഒരു പ്രൊഫഷണലില്‍ നില്‍ക്കുമ്പോള്‍ ഏറ്റവും കുടുതല്‍ ത്യജിയ്ക്കുന്നത് എന്താണ് എന്നായിരുന്നു അവതാരകന്റെ ചോദ്യം. മുന്‍പൊക്കെ ആണെങ്കില്‍ ഞാന്‍ പറയുമായിരുന്നു എന്റെ പാരന്റ്‌സ് എന്ന്. കുടുംബത്തിലെ ഒരു നല്ല ചടങ്ങിനും ഞാന്‍ ഉണ്ടാവാറില്ല. കസിന്‍ സിസ്‌റ്റേഴ്‌സിന്റെ കല്യാണത്തിന് എല്ലാം അവസാന നിമിഷം ഒരു അതിഥിയെ പോലെ വന്ന് പോകുകയാണ് ചെയ്തിരുന്നത്.
ഇപ്പോള്‍ കുഞ്ഞിനോട് ചെയ്യുന്നത്
എന്നാല്‍ ഇപ്പോള്‍ ഞാന്‍ ചെയ്യുന്ന ഏറ്റവും വലിയ ത്യാഗം പത്ത് മാസം മാത്രം പ്രായമുള്ള എന്റെ കുഞ്ഞിനെ വീട്ടിലാക്കിയിട്ട് അഭിനയിക്കാനായി വരുന്നതാണ്. ഇപ്പോള്‍ അവനൊന്നും മനസ്സിലാവുന്ന പ്രായമല്ല. രാവിലെ അവന് ടാറ്റ ബൈ ബൈ പറഞ്ഞ് വന്നാല്‍, രാത്രി അവന് ഉറങ്ങുമ്പോഴാണ് ഞാന്‍ കാണുന്നത്. അവനെ വളരെ അധികം മിസ്സ് ചെയ്യുന്നുണ്ട്. അവനെ വിട്ട് നില്‍ക്കുന്നതാണ് ഏറ്റവും വലിയ ത്യാഗം.
വെറുതേ സിനിമ ചെയ്യില്ല
കുഞ്ഞ് ആയതിന് ശേഷം ഏറ്റവും കൂടുതല്‍ അവനൊപ്പം സമയം ചെലവഴിക്കാനാണ് ഞാന്‍ ആഗ്രഹിക്കുന്നത്. അതുകൊണ്ട് തന്നെ വെറുതേ ചെയ്യാന്‍ വേണ്ടി മാത്രം സിനിമകള്‍ ചെയ്യില്ല. എനിക്ക് അത്രയധികം താത്പര്യം തോന്നുന്ന സിനിമകള്‍ മാത്രമേ തിരഞ്ഞെടുക്കുകയുള്ളൂ. അല്ലാത്തപ്പോള്‍ അവനൊപ്പം സമയം ചെലവഴിക്കണം, കുടുംബത്തിനൊപ്പം ഇരിക്കണം.
എട്ട് വയസ്സ് ആയിട്ട് മാത്രം
കുഞ്ഞിന് ഇപ്പോള്‍ ഒന്നും താന്‍ അഭിനയിച്ച സിനിമകള്‍ കാണിച്ചുകൊടുക്കാന്‍ ഉദ്ദേശിച്ചിട്ടില്ല എന്നും കാജള്‍ പറയുന്നു. അവന് ഒരു എട്ട് വയസ്സൊക്കെ ആയതിന് ശേഷം മാത്രമേ സിനിമകള്‍ കാണിച്ചു കൊടുക്കൂ. ആദ്യം കാണിച്ചുകൊടുക്കുന്ന സിനിമ ഒരു പക്ഷെ തുപ്പാക്കി ആയിരിയ്ക്കും എന്നും കാജള്‍ അഗര്‍വാള്‍ പറഞ്ഞു.
വിവാഹം വേറെ സിനിമ വേറെ
വിവാഹം കഴിഞ്ഞ് കുഞ്ഞ് ആയതുകൊണ്ട് ഗ്ലാമര്‍ വേഷങ്ങളും, റൊമാന്റിക് വേഷങ്ങളും ഒന്നും ചെയ്യില്ല എന്ന നിബന്ധന ഇല്ല എന്നും കാജള്‍ പറയുന്നു. മികച്ച സ്‌ക്രിപ്റ്റ് വന്നാല്‍ അത്തരം റോളുകള്‍ എല്ലാം ചെയ്യും. നേരത്തെ പറഞ്ഞത് പോലെ വെറുതേ ഗ്ലാമറാകാന്‍ തയ്യാറല്ല. കല്യാണം കഴിച്ചത് കൊണ്ട് എന്റെ ജോലി മാറ്റേണ്ടതില്ലല്ലോ. ഫാമിലി വേറെ പ്രൊഴഷണല്‍ ലൈഫ് വേറെ. നമ്മള്‍ ജീവിയ്ക്കുന്നത് 2023 ല്‍ ആണ്- കാജള്‍ പറഞ്ഞു