68ൽ നിന്ന് 85ലേക്ക്, തിരിച്ച് 63ലേക്ക്
ദിന്‍ജിത്ത് അയ്യത്താന്‍ സംവിധാനം ചെയ്ത കക്ഷി: അമ്മിണിപ്പിള്ള''യിൽ പ്ലസ് സൈസ് നായികയായാണ് ഷിബ്‍ല എത്തിയിരുന്നത്. കാന്തിയെന്ന പേരിലാണ് നടി സിനിമയിൽ അഭിനയിച്ചത്. സിനിമയ്ക്കുവേണ്ടി 68 കിലോയിൽ നിന്നും 85 കിലോയിലേക്കും തിരിച്ച് വീണ്ടും 63 കിലോയിലേക്കും ഷിബ്‍ല നടത്തിയ മേക്കോവർ സിനിമയിറങ്ങിയപ്പോള്‍ വലിയ ച‍ർച്ചയായിരുന്നു. കൗമാരകാലത്തൊക്കെ തന്‍റെ ശരീര പ്രകൃതി മൂലം നേരിട്ട ബോഡി ഷെയിമിങ്ങിനെ കുറിച്ചൊക്കെ സിനിമയിറങ്ങിയ ശേഷം ഷിബ്‍ല തുറന്നുപറഞ്ഞിട്ടുമുണ്ട്.
കിടിലൻ മേക്കോവർ
ഇൻസ്റ്റഗ്രാം പേജിലൂടെ ഇടയ്ക്കിടെ മേക്കോവർ ചിത്രങ്ങൾ താരം പങ്കുവയ്ക്കാറുണ്ട്. ഹിന്ദിയിലും തമിഴിലും മാത്രമല്ല മലയാളത്തിലും ഇതാ പ്ലസ്സ് സൈസ് നായികയെന്ന് പറഞ്ഞായിരുന്നു ഷിബ്ലയുടെ മേക്കോവർ വിശേഷങ്ങൾ സിനിമയിറങ്ങിയ സമയത്ത് സോഷ്യൽമീഡിയയിലൊക്കെ വൈറലായിരുന്നത്. കക്ഷി അമ്മിണിപിള്ളയ്ക്ക് ശേഷം സേഫ് എന്ന സിനിമയിലും ഷിബ്‍ല അഭിനയിച്ചു.
ഷിബ്ലയുടെ ജിം വർക്കൗട്ട് വീഡിയോ കാണാം
ജിം വർക്കൗട്ട്
ഇപ്പോഴിതാ ഷിബ്ലയുടെ ജിം വർക്കൗട്ട് വീഡിയോ സോഷ്യൽമീഡിയയിൽ വൈറലായിരിക്കുകയാണ്. സെലിസ്പോട്ട് മീഡിയയാണ് വീഡിയോ ഒരുക്കിയിരിക്കുന്നത്. ഏറെ നേരം ഷിബ്‍ല ജിമ്മിൽ ചിലവഴിക്കാറുണ്ട്. ഫിറ്റ്നെസ് മോട്ടിവേഷൻ, ഫിറ്റ്, കാന്തി ലൌ തുടങ്ങിയ ഹാഷ് ടാഗുകള്‍ ചേർ‍ത്താണ് ഷിബ്‍ല പലപ്പോഴും ചിത്രങ്ങൾ ഇൻസ്റ്റയിൽ പങ്കുവയ്ക്കാറുള്ളത്.
യോഗയും ജിമ്മും
യോഗയും ജിമ്മും ചെയ്താണ് നടിയുടെ പുതിയ മേക്കോവറിലെത്തിയത്. അടുത്തിടെ ഫിറ്റ്നെസ് ഫ്രീക്കായ ഒത്തിരി ചിത്രങ്ങളാണ് ഫറ പങ്കുവെച്ചിട്ടുള്ളത്. മുപ്പതിനായിരത്തിലേറെ ഇൻസ്റ്റ ഫോളോവേഴ്സാണ് ഷിബ്‍ലയ്ക്കുള്ളത്. പുതിയ സിനിമകളുടെ ഭാഗമാകാനുള്ള തയ്യാറെടുപ്പിലാണ് ഷിബ്‍ല.