കൊച്ചി: നടൻ കലാശാല ബാബു (68) അന്തരിച്ചു. കൊച്ചിയിലെ മെഡിക്കൽ ട്രസ്റ്റ് ആശുപത്രിയിൽ രാത്രി 12.35നാണ് അന്ത്യം സംഭവിച്ചത്. രോഗ ബാധിതനായ കലാശാല ബാബു ചികിത്സയിലായിരുന്നു. നാടകത്തിലൂടെ അഭിനയ രംഗത്തെത്തിയ ബാബു സിനിമ, സീരിയൽ രംഗങ്ങളിൽ ഏറെ ശ്രദ്ധേയനായി മാറി. ഇണയെത്തേടി എന്ന ചിത്രത്തിലൂടെയാണ് ബാബു സിനിമാ രംഗത്തേക്കെത്തിയത്. എന്നാൽ സിനിമ അരങ്ങേറ്റം വിജയകരമല്ലാതിരുന്നതിനെ തുടർന്ന് ബാബു നാടകത്തിലേക് മടങ്ങി.
കഥകളി ആചാര്യൻ കലാമണ്ഡലം കൃഷ്ണൻ നായരുടെയും മോഹിനിയാട്ടത്തിന്റെ മാതാവ് എന്ന് അറിയപ്പെടുന്ന കലാമണ്ഡലം കല്യാണിക്കുട്ടിയമ്മയുടെയും മകനായാണ് ബാബുവിന്റെ ജനനം. വില്ലൻ വേഷങ്ങളിലൂടെയാണ് കലാശാല ബാബു സിനിമാ പ്രേമികളുടെ മനസിൽ ഇടം നേടിയത്. ലോഹിതദാസിന്റെ കസ്തൂരിമാനിലെ ലോനപ്പൻ മുതലാളി എന്ന കഥാപാത്രത്തിലൂടെ ബാബു രണ്ടാം വരവ് വിജയകരമാക്കി. എന്റെ വീട് അപ്പൂന്റെയും, തൊമ്മനും മക്കളും, റൺവേ തുടങ്ങിയ സിനിമകളിൽ ശ്രദ്ധേയവേഷം ചെയ്തു. ലളിതയാണ് ഭാര്യ. ശ്രീദേവി, വിശ്വനാഥൻ എന്നിവർ മക്കളാണ്.
കഥകളി ആചാര്യൻ കലാമണ്ഡലം കൃഷ്ണൻ നായരുടെയും മോഹിനിയാട്ടത്തിന്റെ മാതാവ് എന്ന് അറിയപ്പെടുന്ന കലാമണ്ഡലം കല്യാണിക്കുട്ടിയമ്മയുടെയും മകനായാണ് ബാബുവിന്റെ ജനനം. വില്ലൻ വേഷങ്ങളിലൂടെയാണ് കലാശാല ബാബു സിനിമാ പ്രേമികളുടെ മനസിൽ ഇടം നേടിയത്. ലോഹിതദാസിന്റെ കസ്തൂരിമാനിലെ ലോനപ്പൻ മുതലാളി എന്ന കഥാപാത്രത്തിലൂടെ ബാബു രണ്ടാം വരവ് വിജയകരമാക്കി. എന്റെ വീട് അപ്പൂന്റെയും, തൊമ്മനും മക്കളും, റൺവേ തുടങ്ങിയ സിനിമകളിൽ ശ്രദ്ധേയവേഷം ചെയ്തു. ലളിതയാണ് ഭാര്യ. ശ്രീദേവി, വിശ്വനാഥൻ എന്നിവർ മക്കളാണ്.