അച്ഛൻ മലയാളി അമ്മ തമിഴ്, ഭാര്യ ഗുജറാത്തി! ഞങ്ങളുടേത് പാൻ ഇന്ത്യൻ ഫാമിലി! ഹൃദയത്തിലെ സെൽവയുടെ വിശേഷങ്ങൾ

നോര്‍ത്തിന്ത്യന്‍ ലുക്കാണ് കലേഷിന് ഗുണകരമായി മാറിയതെന്ന് പറഞ്ഞപ്പോള്‍ ഞാന്‍ മലയാളിയാണ്, ആലപ്പുഴക്കാരനാണെന്നായിരുന്നു കലേഷിന്റെ മറുപടി. അമ്മ തമിഴാണ്, ഭാര്യ ഗുജറാത്തിയാണ്. ഞങ്ങള്‍ ഒരു പാന്‍ ഇന്ത്യന്‍ കുടുംബമാണ്. ഭാര്യയും ഞാനും കുറച്ചുകാലം ഒന്നിച്ച് വര്‍ക്ക് ചെയ്തിരുന്നു. ഒരു ഇവന്റ് മാനേജ്‌മെന്റ് കമ്പനിയില്‍. ആ സമയത്ത് എക്‌സ്ട്രാ കരിക്കുലര്‍ ആക്റ്റിവിറ്റി ചോദിച്ചപ്പോള്‍ പാടും, അഭിനയിക്കും. അഭിനേതാവാകാനാണ് ഇഷ്ടം എന്നായിരുന്നു പറഞ്ഞത്. ഏഅജ് നബിയായിരുന്നു അന്ന് പാട്ടുപാടാന്‍ പറഞ്ഞപ്പോള്‍ പാടിയത്. അവളിപ്പോള്‍ ചെന്നൈയിലാണ്.

ഐശ്വര്യ റായിയോട് ക്രഷുണ്ടായിരുന്നു. താല്‍ എന്ന ചിത്രം കണ്ടപ്പോള്‍ ഒടുക്കത്തെ ആരാധനയായിരുന്നു. ആ സിനിമ കണ്ട് പെണ്‍കുട്ടികള്‍ക്ക് വരെ ഐശ്വര്യയോട് ക്രഷായിരുന്നു. സ്‌കൂളില്‍ പഠിക്കുന്ന സമയത്തായിരുന്നു. ഐശ്വര്യ റായിയാണ് എന്റെ ഫസ്റ്റ് ക്രഷ്. ഞാന്‍ ലവ് ചെയ്ത ആള്‍ക്കാരെല്ലാം വേറെ കെട്ടിപ്പോയി. ഭാര്യ മണ്ഡാല ആര്‍ടിസ്റ്റാണ്. പുള്ളിക്കാരി വര്‍ക്ക് ചെയ്യുന്നുമുണ്ട്.

സെല്‍വ ഇപ്പോള്‍ എന്റെ ഐഡന്റിറ്റിയാണ്. കഥാപാത്രത്തിന്റെ പേരില്‍ അറിയപ്പെടാനാവുന്നത് വലിയ കാര്യമായാണ് കാണുന്നത്. ഹൃദയത്തിന്റെ സെറ്റില്‍ എല്ലാവരും എന്നെ സെല്‍വണ്ണായെന്നും സെല്‍വ എന്നുമൊക്കെയായിരുന്നു എല്ലാരും വിളിച്ചത്. എന്താണ് ഇവിടെ നടക്കുന്നതെന്നായിരുന്നു ഒരിക്കല്‍ വിനീതേട്ടന്‍ ചോദിച്ചത്. ഹൃദയത്തില്‍ സെല്‍വയെ അവതരിപ്പിച്ച നടന്‍ എന്ന് പറഞ്ഞായിരിക്കും ഇനി തന്നെ പരിചയപ്പെടുത്തുകയെന്നുമൊയിരുന്നു മറ്റൊരു അഭിമുഖത്തില്‍ കലേഷ് പറഞ്ഞത്.

വിനീത് ശ്രീനിവാസനെ ആദ്യമായി കണ്ടുമുട്ടിയതിനെക്കുറിച്ചും കലേഷ് പറഞ്ഞിരുന്നു. കോളേജില്‍ പഠിക്കുന്ന കാലം മുതലേ തന്നെ വിനീതേട്ടനെ അറിയാമായിരുന്നു. രാജഗിരി എഞ്ചിനീയറിംഗ് കോളേജില്‍ വിനീതേട്ടന്‍ ആല്‍ബം ഷൂട്ടിനായി വന്നിരുന്നു, റോമയുടെ കൂടെ നടക്കാനായി നാലഞ്ച് പയ്യന്‍മാരെ തിരഞ്ഞെടുത്തിരുന്നു. അതിലൊന്ന് ഞാനായിരുന്നു. മിന്നലഴകേ എന്ന ഗാനത്തില്‍ എന്നെ കാണാമെന്നും താരം വ്യക്തമാക്കിയിരുന്നു.