'ഞാൻ സ്ട്രെയിറ്റാണ്, സത്താർ ഒരുപക്ഷേ അങ്ങനെ ചെയ്തിട്ടുണ്ടാകും'; തുറന്ന് പറഞ്ഞ് കാളിദാസ്!

ചിത്രത്തിൽ കാളിദാസ് അവതരിപ്പിച്ച കഥാപാത്രമായ സത്താർ മറ്റു നാല് സിനിമകളും കണ്ട ശേഷവും പ്രേക്ഷകരുടെ കൂടെ പോരുന്ന കഥാപാത്രങ്ങളിലൊന്നാണ്. ട്രാൻസ് ജെൻഡർ കഥാപാത്രമാണ് സത്താർ. സത്താറിനൊപ്പം സഞ്ചരിക്കുന്ന മറ്റൊരു കഥാപാത്ര സൃഷ്ടി തന്നെയാണ് തങ്കം. കാളിദാസിൻ്റെ ചിത്രത്തിലെ പ്രകടനം വളരെ ശ്രദ്ധ ആകർഷിക്കുന്നതാണ്.

കാളിദാസിൻ്റെ കരിയറിലെ മികച്ച കഥാപാത്രങ്ങളിലൊന്നായി സത്താർ മാറിക്കഴിഞ്ഞു. ചിത്രത്തിലെ കഥാപാത്രം വലിയ ഉത്തരവാദിത്തമുള്ളതായിരുന്നുവെന്നും അതിനായി ഒരുപാട് കഠിനപ്രയത്നം ചെയ്യേണ്ടതായി ഉണ്ടായിരുന്നുവെന്നും കാളിദാസ് ഒരു അഭിമുഖത്തിൽ പറഞ്ഞു.

സത്താർ എന്ന ട്രാൻസ്ജെൻഡർ കഥാപാത്രം ലിംഗമാറ്റ സർജറിയ്ക്ക് പണം സ്വരൂപിക്കുന്നുണ്ട്. സത്താർ കുട്ടിക്കാലം മുതൽ സരവണനുമായി വളരെ അടുത്ത സുഹൃത്തു കൂടിയാണ്. എന്നാൽ സത്താറിൻ്റെ സഹോദരിമാരിലൊരാളെ തങ്കത്തിന് ഇഷ്ടമാണ്. ഇത് സത്താറിലൂടെ തന്നെയാണ് തങ്കം പറയുന്നത്. ഇതിലൂടെയാണ് കഥ സഞ്ചരിക്കുന്നത്.

മറ്റൊരു അഭിമുഖത്തിൽ കഥാപാത്രത്തെ കുറിച്ചുള്ള ചോദ്യങ്ങൾക്ക് കാളിദാസ് നൽകിയ ഒരു മറുപടിയാണ് ഇപ്പോൾ ശ്രദ്ധ നേടുന്നത്. ജീവിതത്തിൽ ഒരു ആൺകുട്ടിയെ ചുംബിച്ചിട്ടുണ്ടോ എന്നായിരുന്നു അഭിമുഖത്തിൽ അവതാരകൻ്റെ ചോദ്യം. ഒരിക്കലുമില്ല, ഞാൻ വളരെ സ്ട്രെയിറ്റ് പേഴ്സണാണ്. സത്താർ ഒരുപക്ഷേ അങ്ങനെ ചെയ്തിട്ടുണ്ടാകും എന്നാണ് കാളിദാസ് നൽകിയ മറുപടി.