എല്ലാത്തിനുമുള്ള ക്രഡിറ്റ് അമ്മയ്ക്കാണ്! ലിസിയെക്കുറിച്ച് കല്യാണി പ്രിയദര്‍ശന്‍ പറഞ്ഞത്!

തെന്നിന്ത്യന്‍ സിനിമയുടെ സ്വന്തം നായികമാരിലൊരാളാണ് കല്യാണി പ്രിയദര്‍ശന്‍. ഹലോ എന്ന തെലുങ്ക് സിനിമയിലൂടെയാണ് താരപുത്രി അരങ്ങേറിയത്. ബിരുദ പഠനം പൂര്‍ത്തിയാക്കിയതിന് ശേഷമായാണ് കല്യാണി സിനിമയിലെത്തിയത്. ക്യാമറയ്ക്ക് പിന്നില്‍ പ്രവര്‍ത്തിച്ചതിന് ശേഷമായാണ് കല്യാണി അഭിനയത്തില്‍ പരീക്ഷണം നടത്തിയത്. ആദ്യ സിനിമയിലൂടെ തന്നെ മികച്ച സ്വീകാര്യതയായിരുന്നു താരപുത്രിക്ക് ലഭിച്ചത്.
വരനെ ആവശ്യമുണ്ട് എന്ന ചിത്രത്തിലൂടെയായാണ് കല്യാണി മലയാളത്തിലെത്തിയത്. മരക്കാര്‍ അറബിക്കടലിന്റെ സിംഹം, ഹൃദയം, ബ്രോ ഡാഡി, തല്ലുമാല തുടങ്ങിയ ചിത്രങ്ങളിലും താരപുത്രി അഭിനയിച്ചിരുന്നു. മരക്കാറില്‍ അച്ഛനൊപ്പം പ്രവര്‍ത്തിക്കാനുള്ള അവസരം ലഭിച്ചപ്പോള്‍ ആദ്യം ടെന്‍ഷനായിരുന്നുവെന്ന് കല്യാണി പറഞ്ഞിരുന്നു. എന്നെക്കുറിച്ചോര്‍ത്ത് അച്ഛനും ആശങ്കയിലായിരുന്നു. മകള്‍ക്ക് അഭിനയിക്കാനറിയാമെന്ന് അച്ഛന്‍ മനസിലാക്കിയതും ഈ സിനിമയോടെയായിരുന്നുവെന്നും മകള്‍ വ്യക്തമാക്കിയിരുന്നു.
ഇപ്പോഴിതാ അമ്മയെക്കുറിച്ച് വാചാലയായെത്തിയിരിക്കുകയാണ് കല്യാണി. എന്റെ അമ്മ വലിയ ഇന്‍സ്പിരേഷനാണ്. എന്നെ ഞാനാക്കിയത് അമ്മയാണ്. എന്റെ പേഴസണാലിറ്റിയായാലും മറ്റ് കാര്യങ്ങളായാലും എല്ലാത്തിലും അമ്മയുടെ സാന്നിധ്യമുണ്ട്. അച്ഛനും അമ്മയും വേര്‍പിരിഞ്ഞത് ഞങ്ങളെ നെഗറ്റീവായി ബാധിച്ചിരുന്നില്ലെന്നും മുന്‍പ് കല്യാണി പറഞ്ഞിരുന്നു. അമ്മ അഭിനയിച്ച സിനിമകള്‍ കാണാന്‍ അത്ര വലിയ താല്‍പര്യമില്ല. മിക്ക സിനിമകളിലും അമ്മ മരിക്കുകയോ അമ്മയെ ആരെങ്കിലും കൊല്ലുന്നതോ ഒക്കെയാണ്. അങ്ങനെയുള്ള സിനിമകളെല്ലാം സൂപ്പര്‍ഹിറ്റായി മാറിയിട്ടുമുണ്ട്. അമ്മ മരിക്കുന്നത് കാണുമ്പോള്‍ ഞങ്ങള്‍ക്ക് സങ്കടമാണ്. അതിനാല്‍ത്തന്നെ അങ്ങനെയുള്ള സിനിമകളൊന്നും കാണാറേയില്ലായിരുന്നുവെന്നും മക്കള്‍ പറഞ്ഞിരുന്നു.
Also Watch: മക്കള്‍ക്കും മരുമകള്‍ക്കുമൊപ്പമുള്ള ചിത്രങ്ങളുമായി ലിസിയും എത്തിയിരുന്നു. എല്ലാ ദിവസവും മദേഴ്‌സ് ഡേയാണ് എന്ന കുറിപ്പോടെയായിരുന്നു ലിസി എത്തിയത്. അടുത്തിടെയായിരുന്നു സിദ്ധാര്‍ത്ഥ് വിവാഹിതനായത്. മകന്റെ വിവാഹത്തിനായി അച്ഛനും അമ്മയും ഒന്നിച്ചത് വാര്‍ത്തയായിരുന്നു. വിവാഹത്തിന്റെ ചിത്രങ്ങള്‍ സോഷ്യല്‍മീഡിയയിലൂടെ വൈറലായിരുന്നു.