ടിയാൻ ടീസർ ഗംഭീരം, കാത്തിരിക്കാൻ വയ്യ; കരൺ ജോഹർ

മലയാളത്തിൽ എന്നല്ല ഇന്ത്യൻ സിനിമാലോകത്ത് തന്നെ ഏറെ പ്രശസ്തനാണ് പൃഥ്വിരാജ്. എസ്രയുടെ മികച്ച വിജയത്തിന് ശേഷം പൃഥ്വിയുടെ അടുത്ത ചിത്രം ഒരുങ്ങുകയായി ടിയാൻ. മുരളിഗോപിയുടെ തിരക്കഥയിൽ ജയ് കൃഷ്ണനാണ് ചിത്രം സംവിധാനം ചെയ്യുന്നത്. പൃഥ്വിരാജിനൊപ്പം ഇന്ദ്രജിത്തും മുരളിഗോപിയും കേന്ദ്രകഥാപാത്രങ്ങളെ അവതരിപ്പിക്കുന്നുണ്ട്. ചിത്രത്തിന്‍റെ ആദ്യ ടീസർ റിലീസ് കഴിഞ്ഞയുടനെ തന്നെ ബോളിവുഡിൽ നിന്നും ആശംസകളർപ്പിച്ച് എത്തിയിരിക്കുകയാണ് കരൺ ജോഹർ.

ട്വിറ്ററിലൂടെയാണ് കരൺ ജോഹർ ടീസറിനെ പ്രശംസിച്ചത്. സിനിമയ്ക്കായി അധികം കാത്തിരിക്കാൻ കഴിയില്ലെന്നും കരൺ ട്വിറ്ററിൽ കുറിച്ചു. ഇതിന് നന്ദി അറിയിച്ച് കൊണ്ട് പൃഥ്വിയും ട്വിറ്ററിലെത്തി. പൃഥ്വിരാജിന്‍റേയും ഇന്ദ്രജിത്തിന്‍റേയും കഥാപാത്രങ്ങളെ പരാമർശിച്ചിട്ടുള്ളതാണ് 16 സെക്കന്‍റ് നീളുന്ന ടീസർ. മരുഭൂമി പശ്ചാത്തലമാക്കി കൊണ്ടുള്ള രംഗമാണ് ടീസറിൽ കാണാൻ സാധിക്കുന്നത്. ഈദ് ആഘോഷവേളയിലായിരിക്കും ചിത്രം തിയ്യേറ്ററുകളിലെത്തുക.

Karan Johar congratulates Prithviraj for Tiyaan

The introduction teaser one of the most awaited movies of the year, Tiyaan was released today. The video was shared in the movie’s official Facebook page.