ഞാൻ ഇങ്ങനെയാണ് പണ്ടും: അപ്പോഴൊന്നും ഇല്ലാത്ത കുരുപൊട്ടലാ ഇപ്പോള്‍ ചിലർക്ക്!

അൽപ്പം മേഡേൺ വസ്ത്രം ധരിച്ചതിന്റെ പേരിൽ വിമർശിക്കാനെത്തിയ ആൾക്ക് കിടിലൻ മറുപടിയുമായി കരിക്ക് നായിക അമേയ. ‘ക്യൂട്ട് ആയല്ലോ അമേയാ.. പക്ഷേ കുറച്ചു 'ചൂട്' ആയി വരുന്ന പോലെയുള്ള വേഷം എന്നായിരുന്നു ആരാധകന്റെ കമന്റ്. ഇതിനാണ് നല്ല ചൂടൻ മറുപടി തന്നെ താരം നൽകിയത്.

മറ്റുള്ളവർ നിങ്ങളെകുറിച്ച് പറയുന്നത് അവരുടെ കാഴ്ചപാടുകളാണ്, അതുകേട്ടാൽ നിങ്ങൾക്ക് അവരായി മാറാം... ഇല്ലെങ്കിൽ നിങ്ങളായിതന്നെ ജീവിക്കാം.’–ഇതായിരുന്നു ഫോട്ടോയ്ക്ക് താരം നൽകിയ ക്യാപ്‌ഷൻ. ഈ ചിത്രത്തിനെതിരെയാണ് വിമർശനം ഉയർന്നത്. അതിനുള്ള മറുപടിയാണ് താരം നൽകിയത്.

‘ഞാൻ ഇങ്ങനെയാണ്, ചേട്ടനെയോ ബാക്കി ഉള്ളവരെയോ എന്തെങ്കിലും തെളിയിക്കേണ്ട കാര്യം എനിക്കില്ല മോനൂസേ. എന്റെ ഇഷ്ടമല്ലേ എന്തു വസ്ത്രം ധരിക്കണം എന്നുള്ളത്. ഞാൻ പണ്ടേ ഇതുപോലുള്ള വസ്ത്രങ്ങൾ ധരിക്കാറുണ്ട്. അപ്പോഴൊന്നും ഇല്ലാത്ത കുരുപൊട്ടലാ ഇപ്പോള്‍ ചിലർക്ക്. ഞാൻ ഇതിനെ വകവയ്ക്കുന്നില്ല.’: അമേയ പറഞ്ഞു.

ALSO READ; തിങ്ക് ആം ഇൻ ലവ് വിത്ത് യു; വൈറലായി ശ്രീലക്ഷ്മി ശ്രീകുമാർ!

നിരവധി ചിത്രങ്ങളിൽ വേഷമിട്ട അമേയ കരിക്ക് വെബ് സീരീസിയിലൂടെയാണ് കരിയർ കെട്ടിപ്പടുത്തുന്നത്. മമ്മൂട്ടിയുടെ ദ് പ്രീസ്റ്റ് ആണ് നടിയുടെ ഏറ്റവും പുതിയ ചിത്രം.