പത്​മാവത്​​; അജയ്​ ദേവ്​ഗണിൻ്റെ തിയേറ്റര്‍ കര്‍ണിസേന തകര്‍ത്തു

ലഖ്നൗ: പത്മാവത് പ്രദര്‍ശിപ്പിച്ച തിയറ്ററുകള്‍ക്ക് നേരെ വ്യാപക ആക്രമം. ബോളിവുഡിലെ മുന്‍ നിര താരമായ അജയ് ദേവ്ഗണിൻ്റെ ഉടമസ്ഥതയിലുള്ള യു.പിയിലെ തിയറ്ററിന് നേരെയും ആക്രമണമുണ്ടായി.സേനയുടെ പ്രവര്‍ത്തകര്‍ ഒരുമിച്ച്‌ കൂടി മുദ്രാവാക്യം മുഴക്കുകയും ടിക്കറ്റ് കൗണ്ടര്‍ അടിച്ച്‌ തകര്‍ക്കുകയുമായിരുന്നു.

സിനിമ പ്രദര്‍ശിപ്പിക്കാന്‍ അനുവദിക്കില്ലെന്ന് ചൂണ്ടിക്കാട്ടി തിയറ്ററുടമകളെ കാണണമെന്ന് കര്‍ണിസേനക്കാര്‍ ഭീഷണി മുഴക്കിയെന്ന് തിയറ്റര്‍ മാനേജര്‍ പറഞ്ഞു. അതേ സമയം സംഭവത്തില്‍ പ്രതികരിക്കാന്‍ അജയ് ദേവ്ഗണ്‍ വിസമ്മതിച്ചു. ഇൗയിടെയാണ് അജയ് യുപിയില്‍ നാല് തിയറ്ററുകള്‍ തുടങ്ങിയത്.